mánudagur, ágúst 21, 2006

Google jörð


Mikið hef ég gaman að því að surfa um heiminn með músinni minni og Google Earth. Með nokkrum smellum er maður búinn að zoom-a á húsnúmer hjá félaga sínum sem var að flytja til Bandaríkjanna. Alveg ótrúlegt.

Einusinni fór ég til Los Angeles og keyrði þar um. Ég var svaka spenntur fyrir að sjá Hollywood skiltið margfræga en sama hvað ég leitaði lengi þá fann ég það aldrei (sem er skrítið því maður hefði haldið að þetta væri hangandi yfir borginni!!). Með Google Earth tók þetta mig hálfa mínútu og ég stóð sama sem fyrir framan skiltið :)

Hvað er meira? Jú, þessi síða er sniðug. Skoðaðu allar vinsælustu síður í heiminum án mynda og sjáðu hvort þú þekkir þær. Ég þekkti nú flestar ...

Gaktu í lið með Internetinu og berstu fyrir hlutleysi okkar allra!

Að lokum er hér hið margfræga George Foreman grill sem hægt er að tengja við tölvuna. Ég veit að mig langar í eitt svona á skrifstofuna :)

mánudagur, ágúst 14, 2006

Nokkrir punktar

  • Veðrið í Kaupmannahöfn gæti ekki verið meira "íslenskt!" (Rok og rigning)
  • Töpuðum 2-1 á móti Karólínu í gær. Súrt.
  • Ég hef aldrei verið með jafn miklar harðsperrur!
  • Gras.is með nýja síðu. Laglega gert hjá D3. Fínt fyrir okkur fótboltaáhugamenn.
  • Búið að bóka New York 4 - 10 október :D

fimmtudagur, ágúst 10, 2006

Erfið byrjun

Það er ekki auðvelt að fara á fullt eftir 3 vikna rólegheit og tölvuleysi.

Frekar rólegt í vinnunni, er að vinna á hæga en afkastamikla tempóinu hlustandi á Antony and the Johnsons (Tona og Jónsana). Þið vitið hvað ég á við. Ég er nefnilega að detta í þetta Antony and the Johnsons æði sem allir eru löngu búnir að ganga í gegnum. Þetta er svo ólýsanlega falleg melódía og vill ég þá helst nefna "Cripple and the Starfish", "Man Is the Baby" og "You Are My Sister" (með Boy George) sem uppáhald.

Hildur tengdó og systkini Erlu (Guðný og Markús) komu í gær. Þau ætla eitthvað að spreða sumarhýrunni sinni heyrði ég. Ætli þau verði ekki að fara í Fields. Það er nefnilega demba úti :)

þriðjudagur, ágúst 08, 2006

Waiting...

Ég verð bara að mæla með þessari mynd fyrir þá sem hafa ekkert betra að gera.

Back in the game

Sumarfríið búið. Þvílík sorg. Þetta eru búnar að vera fínar 3 vikur þótt svo ein þeirra hafi farið í rúmlegu og veikindi. Það þýðir þó ekki að örvætna því við konan erum þegar farin að skipuleggja næsta frí. Í byrjun október ætlum við að fara í víking til Stóra Eplisins, New York. Þar ætlum við að baða okkur í menningu og drykk og njóta alls sem þessi víðfræga borg hefur upp á að bjóða.

Ég var duglegur að glugga í bækur í fríinu og kláraði ma. frábæra teiknimyndasögu, "V" For Vandetta. Ég var fyrir löngu búinn að ákveða að klára bókina áður en ég sæi myndina svo það var loksins um helgina sem ég settist niður og horfði á þessa annars fínu mynd. Laddi vinur lánaði mér aðra bók að lesa og heitir hún Maus eftir Art Spiegelman. Einstaklega vel heppnuð bók sem fjallar á sannsögulegan hátt um seinni heimsstyrjöldina og helför Nasista gegn Gyðingum. Bókin er sett upp í teiknimyndaformi þar sem höfundurinn notast við dýr til að teikna sögupersónur sínar. Þannig verða Gyðingar mýs, Nasistar eru kettir, Kanar eru hundar og Pólverjar eru svín til að nefna eitthvað. Þess má geta að bókin er fyrst teiknimyndabóka til að fá Pulitzer verðlaun.

miðvikudagur, ágúst 02, 2006

Sprite Zero

Rakst á þessa skemmtilegu Sprite Zero auglýsingu niður við Frederiksberg Centre í vikunni. Sýnir að ef budgetið er gott og viðskiptavinurinn "líbó" þá er allt hægt.

P.S Auglýsingin breytist semsagt eftir því hvar maður stendur og horfir á :)

mánudagur, júlí 31, 2006

Sólarlönd

Ennþá er maður í sumarfríi. Ekki er þó að marka það hér á blogginu enda er maður einstaklega latur að halda því við þegar hægt er að gera allt annað á meðan :)

Komum til baka frá Tenerife á Spáni sl. þriðjudag og áttum við þar ánægjulegar 2 vikur. Við vorum staðsett á Fanabe ströndinni við Playa De Las Americas og var þar allt umhverfi til fyrirmyndar. Rútuferðin frá flugvellinum var þó heldur skuggalegt (drasl og dauði út um allt!) og skilur maður alltaf betur og betur afhverju fólki finnst ferðin frá Leifsstöð vera tilkomumikil.

Það var greinilegt frá fyrsta degi að Tenerife er sælureitur feitra Breta. Í sundlaugagarðinum á hótelinu flatmöguðu þeir á milli þess sem þeir reyktu og tróðu í sig skyndibita. Einnig fór mikið fyrir Svíum á hótelinu og þótt þeir séu heldur grennri og spengilegri þá vita flestir sem mig þekkja að þeir eru upp til hópa fávitar.

En fyrir utan feita Breta og leiðinlega Svía þá fór mest fyrir blessuðum Íslendingnum. 300 þús manna eyja og mætti halda að hún hefði verið öll í sumarleyfi á Tenerife. Heppilega bókuðum við okkur í gegnum danska ferðaskrifstofu og vorum við því einu Íslendingarnir á hótelinu. Við vorum þó varla búin að labba í 10 mínútur frá hótelinu áður en við rákustm á fyrstu Íslendingana. Maður þarf ekki að heyra tungumálið, maður bara sér það. Það var sama hvert maður fór, allstaðar voru Íslendingar á ferli, jafnvel þegar við fórum langa leið í dýragarðinn rákumst við á 4 Íslendingahópa og hitti Erla meira að segja frænda sinn þar! Þetta er auðvitað ótrúlegt.

Íslendigar farandi í slíkar reysuferðir á hápunkti verðbólgunnar eru ekki öfundsverðir. Evran lengst uppi í skýjunum og sér ekkert fyrir lækkun. Hvert sem maður fór, verkjaði mann í budduna, enda ekki annað hægt þegar maður fer út að borða öll kvöld :)

En maður er loksins kominn heim, heim í hitabylgju. 10 dagar á Spáni ætti að vera nóg fyrir hvaða Íslending finnst mér. Þeas ef hann býr í Danmörku, ekki Íslandi ;)

mánudagur, júlí 10, 2006

Bæ, bæ HM - Hello Spánn!

Mánaðarlöngu knattspyrnumaraþoni lauk með dramatískum hætti í gær þegar mínir menn, Frakkar þurfu að láta í minni pokann fyrir Ítölum. Þessir spilltu, spagettíétandi fávitar fóru með sigur af hólmi eftir vítaspyrnukeppni þar sem markmenn beggja liða hefðu alveg eins getað staðið á hliðarlínunni á meðan. Það sem aðskildi gullið frá silfrinu þetta árið var sláarskot, sem með smá heppni hefði alveg getað endað í netinu.

Kærkominn sigur fyrir flesta leikmenn Ítala sem fá að spila í neðri deildum ítölsku deildarinnar á komandi tímabili ... hí á þá.

En nóg um það, 2 ár í EM og ég er strax farinn að telja niður dagana :)

Nú er aðeins hálfur sólarhringur í langþráða sólarlandarferð með fjölskyldunni til Tenerife. Þar sem bann hefur verið lagt við öllum tölvubúnaði í ferðinni verður væntanlega lítið bloggað næstu 2 vikurnar en kannski maður nái að skjóta inn einni til tveim færslum úr hótel lobby-inu ... sjáum til :)

Hafið það gott á meðan :)

fimmtudagur, júlí 06, 2006

Fimmtudags sarpurinn

Fullt af gömlu drasli í sarpnum sem ég hef ekki nennt að tæma fyrr en núna.

Þessi gaur er rosalegur. Hann heitir Joe Mikulik og er þjálfari í minor league hafnaboltaliði í Bandaríkjunum. Virkilega góð fyrirmynd.

Hann Vincent Ferrari vildi segja upp AOL reikningnum sínum og hringdi því í þjónustuverið. Þetta var útkoman ...

Þessar myndir/auglýsingar innan á almennings baðherbergjum í Tælandi eru svolítið sniðugar.


Hver vill ekki eiga Dazed & Confused á DVD? Hér er umsögn um þessa frábæru mynd. (Takið eftir Renee Zellweger í smáhlutverki á fyrstu myndinni)

Ef ég kynni að vera góður hönnuður þá mundi ég vilja vera þessi gaur ...

Ég á iPod! Nú get ég gónt á Podköstin mín og þættina mína á meðan ég er á dollunni. Í STEREO!

Draumurinn er hér! Ef þú ert að leita þér að nýju sjónvarpi (skjá?) þá er þetta tæki málið. Það reyndar ekki "HD ready" en það er sennilega afþví að þetta er "HD SKJÁR!" :)

Svo ein að lokum. Þessi auglýsing er bara of fyndin. Tag-line lesist upphátt :D

mánudagur, júlí 03, 2006

Sommerferie!

Þá fer þetta að bresta á. Nú er aðeins 8 dagar í langþráða sólarlandaferð með fjölskyldunni. Á þriðjudaginn í næstu viku verð ég sitjandi við sundlaugabarinn á Tenerife með Margaritu í annari og sunblock-ið í hinni.

Vikan var ánægjuleg. HM og aftur HM. Fór snemma heim úr vinnunni á föstudeginum til að horfa á enn eitt jafnteflið og vítaspyrnukeppni. Þjóðverjar fóru að lokum með sigur af hólmi þökk sé mínum manni Jens Lehman. Ef ég hefði fengið að vera í hópi blaðamanna eftir leikinn þá hefði ég ekki gert athugasemdir við leikstíl beggja liða, þvert í móti. Ég hefði sagt Argentínumönnum að sítt hár er aljgörlega úr tísku og Þjóðverjunum að aflitað hár og strípur er ekki að gera sig eins vel og fyrir 20 árum.

Daginn eftir tók svo við meiri fótbolti og horfði ég á "mitt lið" England fá sömu örlög og Argentínumenn höfðu fengu kvöldið áður, tap í vítaspyrnukeppni. Þá er ekkert eftir nema að halda með Henry og hinum ellismellunum í Franska landsliðinu.

Sunnudagurinn fór í það sem er farið að verða vikulegur viðburður, dýragarðsferð með Guðjón Inga. Þar sem ég fjárfesti í reyðhjóli um daginn er dýragarðurinn ekki nema í 10 mínútna fjarlægð og það kunna sumir litlir peyjar vel að meta.

Nú sit ég hér í steykjandi hita á skrifstofu v74 við Vestebrogade og tel niður dagana. Sumarfríið hefst formlega á fimmtudag og því best að vera með öll vinnutengd mál á hreinu fyrir þann tíma.

föstudagur, júní 30, 2006

Sólin komin aftur

Mikið saknar maður hennar þegar hún hverfur í nokkra daga. En það er sennilega betra en að þurfa að sakna hennar í nokkrar vikur eða mánuði eins og sumir gera í klakaboxinu.

Tók klassískan "föstudagspakka" í hádeginu. Hjóla niður Vestebrogade og niður á Strikið þar sem tékkað er á púlsinum. Slatti af fólki, mis vel klætt í góða veðrinu auðvitað. Hjóla aftur til baka og koma við á Mikka og henda sér svo í Sport Masteren. Þetta gerðum við laddmundur reglulega þegar hann sá sér sóma í að vera hérna með mér í Danmörku. Þessi ferð var tribute til hans ...

HM á eftir. Einn stærsti leikur á HM fyrr eða síðar. Lið sem bæði hafa hampað Heimsmeistaratitlinum og mæst tvisvar í úrslitum HM ('86 og '98 ef mig minnir rétt).

ARGENTÍNA vs. ÞÝSKALAND

Þessi á eftir að fara í sögubækurnar ........

miðvikudagur, júní 28, 2006

Loftsteinn dauðans

Hvað mundi gerast ef loftsteinn rækist á Jörðina? Horfið á þessa ógnvekjandi mynd til að komast að sannleikanum ...

mánudagur, júní 26, 2006

Forvarnahúsið

Á föstudag fyrir helgi opnaði Sjóvá nýtt hús sem allt er helgað forvörnum. Húsnæði liggur svo til í bakgarðinum hjá Sjóvá eða í því húsnæði sem áður hýsti prentvélar Morgunblaðsins.
“Markmiðið með Forvarnahúsinu er að efla og samræma forvarnir í landinu með aðal áherslu á slysavarnir. Forvarnahúsið verður þannig öflugt þekkingarsetur um slysavarnir. Eitt helsta hlutverk Forvarnahússins er að miðla upplýsingum og fræða almenning um slysavarnir. Starfsmenn Forvarnahússins munu starfa með fyrirtækjum, félagasamtökum og opinberum aðilum að eflingu og samhæfingu slysavarna.„
Að þessu tilefni var opnuð síða með upplýsingum um verkefnið. Síðuna hannaði ég og sáu félagar mínir hjá Origo (aka. TM Software) um að vefa þetta saman. Verkið tók aðeins viku að gera (hönnun + forritun) og finnst mér bara hafa tekist bærilega til. Hvað finnst þér?

sunnudagur, júní 25, 2006

HM drama?

Ég var að enda við að horfa á leik Portúgala og Hollendinga. Í leiknum voru gefin 12 (16) gul spjöld og 4 rauð! Í gamla daga fékk fólk eitthvað fyrir peningana sína þegar það borgaði sig inn á slíkar viðureignir. Núna eru þetta bara slaksmál í hverju horni eftir að einhver hrynur í grasið við minnstu snertingu .... slæmur dagur fyrir knattspyrnuna.

Á myndinni má sjá Mark Van Bommel í leik Arsenal og Barcelona. Hann slapp ekki við að fá gult spjald í þessum leik frekar en aðrir.

Helgin

Enn ein fín helgi að baki og ekki úr vegi að líta um öxl og telja upp það markverðasta.

Fimmtudagur: Unnum fyrsta bikarleik sumarsins 2-3 eftir að hafa verið 2-0 undir í hálfleik. Sigurmarkið skoraði Jón "sekkur" 10 sekúndum fyrir leikslok. Fín byrjun á helginni.

Föstudagur: Vaknaði þunnur eftir mikla bjórdrykkju og pokerspil kvöldið áður. Ekki svo góð byrjun á deginum. Kreisti út nokkra tíma í vinnunni og tók svo ræmugláp með húsfrúnni um kvöldið.

Laugardagur: Fórum snemma upp í Bröndby Strandpark þar sem ég hafði mælt mér mót við mann. Hann ætlaði að selja mér hjól sem ég hafði fundið á smáauglýsingavef dba.dk. Mér leist svo vel á hjólið að ég keypti það á staðnum. Við tókum svo lestina heim aftur og Guðjón Ingi fékk að leggja sig í nokkra tíma áður en við héldum aftur á stað út. Fór með Erlu á nýja fáknum í dýragarðinn þar sem við skoðuðum dýrin í blíðskaparveðri. Guðjón Ingi skemmti sér konunglega og tók nokkrar geitur taki við litla hrifningu þeirra.

Sunnudagur: Við höfðum greinilega ekki labbað nóg á laugardeginum því í dag löbbuðum við þvert yfir Kaupmannahöfn. Tókum lestina niður í miðbæ, fórum rúnt í Tívolí og GI fékk að prufa öll uppáhalds tækin sín. Þaðan löbbuðum við niður Strikið og kíktum í búðir (þær sem opnar voru þeas.) GI sofnaði svo í kerrunni og við Erla fengum okkur lunch á Nyhavn í steykjandi sól og hita. Héldum aftur af stað og kíktum á Amalienborg og nokkra listigarða í hverfinu. Nú erum við komin heim og ekki laust við að fyrsti bruni sumarsins sé að líta dagsins ljós .......

fimmtudagur, júní 22, 2006

Kennimark á netinu

Fyndið hvað allt verður hallærislegt þegar það er fært yfir á íslensku. Meina það ekki í neikvæðri merkingu, frekar svona skemmtilega hallærislegt. Hver las ekki greinina hans Litla Hrauns Árna um að íslenska orðið MP3 spilari og kalla það "Tónhlöðu." Mér fannst það amk. skemmtilega hallærisleg lesning.
En það var nú ekki það sem ég ætlaði að skrifa um. Ég er þessa dagana mikið að spá í kennimarki mínu á netinu eða Online-Identity eins og það héti á enskunni. Mér finnst nefnilega ímynd mín afskaplega reitingsleg ef svo má að orði komast. Í dag eru allir sem eitthvað skoða netið með sitt eigið kennimark, ekki ósvipað og fyrirtæki gera til að aðgreina sig frá öðrum og standa út. Þetta snýst allt um að vera með gott eigið brand. Tökum dæmi:

Á þessari bloggsíðu geng ég undir nafniu "designsalot" þó svo að innskráningarnafn mitt sé "jonathangerlach." Ég hef hefðbundna e-mail addressu í vinnunni sem er jonni(hjá)idega.is en á gmail er ég jonni1977(hjá)gmail.com. Ekkert af þessum venjulegu nöfnum voru til þegar ég ætlaði að stofna mér Flickr reikning svo þar þurfti ég að notast við "kastaniubrunn." Á MSN nota ég vinnu netfangið sem er ágætt en á iChat þarf ég að nota jonni1977(hjá)mac.com. Á Skype er ég svo bara "jonni1977" eins og á Apple umræðuvefnum. Á vínvefnum corkd.com heiti ég gælunafni mínu "jonni" og á yahoo heiti ég bæði "skapalondesign" og "jonni1977jonni" (já, ótrúlegt ég veit) Á umræðuvef Arsenal heiti ég "gerlach" en á Ljósmyndakeppni.is heiti ég svo aftur "jonni."

Svona mætti lengi telja og er ég ekki einusinni byrjaður á Amazon, eBay og öllum þeim on-line verslunum sem maður hefur heimsótt um ævina.

Eins og sjá má er kennileiti mitt því mjög óreglulegt. Þessum notendanöfnum fylgir svo oft mismunandi aðgangsorð svo ennþá erfiðara verður að skrá sig inn á þessa staði ef maður man ekki allt frá A til Ö. Staðreyndin er sú að finna upp á einu notandanafni sem hægt er að nota á öllum þessum vefjum samstundis er næstum útilokað. Það er sama hverju maður finnur upp á, það er alltaf einhver búinn að taka það frá.

Það er þó von fyrir félaga mína í hönnunargeiranum á Íslandi því þeir/þau bera falleg íslensk nöfn sem hægt er að nýta sér. Ber þar helst að nefna Dagný Reykjalín sem oft notar "daia" eða bara "reykjalin." Ragnar Freyr kunningi minn hefur þetta einfalt og notar bara "ragnarfreyr" og/eða hönnunarnafn sitt "onrush." Egill Harðar notar nafnið "egillhardar" á flest öllum stöðum (bloggið, porfolio-inu, Flickr, del.icio.us osfrv.)

Ég ætla að leggja höfuðið í bleyti. Ímynd mín á netinu þarf yfirhalningu eða "brand make-over." Þeir sem hafa þegar fengið hugmyndir eru vinsamlegast beðnir að skilja eftir komment hér fyrir neðan, ég yrði mjög þakklátur.

þriðjudagur, júní 20, 2006

Kveðja, Lególand, Maður leiksins

Enn ein fín helgi að baki. Ég var í fríi í gær svo það er eiginlega mánudagur í manni í dag.

Laugardagurinn fór í það að kveðja runa og Heiðrúnu sem voru að fara í langt ferðalag til Íslands. Ætluðu að keyra til Noregs og gista hjá vinafólki, keyra svo áfram til Bergen, gista á hóteli og taka Norrænu til Íslands daginn eftir. Keyra svo frá Seyðisfirði til Reykjavíkur. Samtals um 2000 km, ekki lítið það og alls ekki öfundsvert.

Að morgni sunnudags fór ég svo út í Valby þar sem F.C Ísland átti að mæta Beckham Boys. Eitthvað var slöpp mætingin þennan daginn og rétt náðum við í lið fyrir leikinn. Nokkrir voru þunnir og aðrir voru farnir að kvíða hitanum sem var kominn hættulega nálægt 30 gráðunum (klukkan ekki orðin 12!). Liðið er búið að tapa síðustu tveim leikjum í deildinni svo það var afar mikilvægt fyrir okkur að rífa sig upp og vinna með stæl. Ekki varð úr því og við töpuðum mjög ósanngjarnt 1-2. Þegar ég segi ósanngjarnt þá á ég við að við vorum mun betra liðið, betur spilandi og meiri metnaður. En það vantaði því miður skiptimenn í þessum hita (þeir voru með 3), nýr óreyndur markmaður í markinu og allir sóknarmenn liðsins meiddir eða óviðlátnir svo við vorum ekki beittir fram á við heldur. Afsakanir ég veit en þetta skiptir samt máli þegar á heildina er litið.

Þrátt fyrir umrætt tap er hægt að finna tvo jákvæða hluti við leikinn:
  1. Ég spilaði 90 heilar mínútur í 28 stiga hita án þess að detta niður dauður eða fá krampa í gaurinn.
  2. Ég var valinn maður leiksins (sem er alltaf góð tilfinning).
Á mánudeginum fórum við fjölskyldan með Hildi tengdó í Legoland. Hildur er með bílaleigubíl sem við auðvitað notuðum til ferðalagsins enda dágóður spölur. Fengum þetta fína veður og skemmtum okkur konunglega innan um allar hinar fjölskyldurnar í Legoland. Guðjón Ingi lék við hvern sinn fingur og skemmti sér auðvitað mjög vel eins og við hin.

laugardagur, júní 17, 2006

Hæ hó og jibbí

... þá er kominn 17. júní. Ekki eins og maður taki mikið eftir því hérna enda hefur þjóðhátíðardagur Íslendinga lítið með Dani að gera. Svo er ekki einusinni rigning ...

Annars hefur myndast örlítið tóm hjá okkur Erlu. Þórhallur og Þórunn fóru yfir hafið mikla í gærkvöldi og runi og Heiðrún lögðu af stað í ferðina löngu í morgun. Við Erla og Guðjón Ingi erum því allt í einu orðin ein eftir í góða veðrinu.

Á eftir ætlum við þó að reyna að halda upp á þjóðhátíðardaginn með öðrum Íslendingum sem sáu sér sóma í að eyða sumrinu í Danmörku. Sá fögnuður verður haldinn á Amager Strand að hætti Íslendingafélagsins. Vonum að það verði eitthvað í líkingu við miðbæ Reykjavíkur á góðum degi.

Leikur á morgun við Beckham Boys. Verðum að komast aftur á sigurbraut eftir tvo tapleiki ... það er algjört must.

miðvikudagur, júní 14, 2006

Flock


Var rétt í þessu að prufa nýjann browser (vafra?) sem lofar góðu. Auk hans nota ég auðvitað Safari og Firefox en það er alltaf gaman að prufa eitthvað nýtt. Hann til dæmis styður vel við Flickr, Photobucket og allar helstu blogg þjónustur á vefnum í dag svo það ætti að vera að auðvelt að blogga núna :) Ég er einmitt að skifa þessa færslu hér í þennan ágæta browser.

FlockScreenSnapz057.png on Flickr - Photo Sharing!

technorati tags:, , ,

mánudagur, júní 12, 2006

Auglýsinga M(bl)anía

Er það bara ég eða er mbl.is að fara vel yfir strikið með þessum nýju auglýsingaborðum efst á síðunni. Þessi síða er orðin eins og argasti smáauglýsingavefur. Þetta er óþolandi.

Sjálfur skoða ég (eins og flestir Íslendingar) þessa síðu nokkuð reglulega, jafnvel oft á dag. Síðan verður auðvitað hæg fyrir vikið enda þarf að hlaða niður öllum þessum ósóma áður en maður getur farið að lesa það sem skiptir mestu máli, fréttir.

Ég tók að gamni skjámynd af vefnum (sjá hér)eins og hann er í dag og merki auglýsingar með rauðum lit. Það má nokkuð greinilega sjá hversu mikið pláss auglýsingarnar eru í raun að taka. Það er allavega mjög lítið pláss fyrir alvöru efni.

laugardagur, júní 10, 2006

Hitabylgja

Maður lifandi, nú er farið að hitna í kolunum. 21 stiga hiti kl. 8.30 í morgun. Eins gott að bera lotion á kryppuna.

Annars er leikur í deildinni á eftir kl. 15.15 og mætum við sterkasta liði deildarininar Boldklubben Cito. Eftir sigur okkar manna verður haldið á Solbakken þar sem menn hita upp með grillkjeti og mjéð. Um kvöldið verður svo meiri fótbolti þar sem Tóbakið mætir Argentínu. Stefnir í skemmtilegan dag :)

föstudagur, júní 09, 2006

Góðverk gærdagsins

Í gær varð ég fyrir því óláni að týna símanum mínum. Ég var á harðahlaupum á eftir strætó og datt hann sennilega úr öðrum vasanum við hamaganginn. Ekki uppgötvaði ég þó missinn fyrr en ég var hálfnaður í vinnuna og taldi því ólíklegt að síminn væri ennþá á sínum stað ef ég snéri aftur til baka. Til öryggis sendi ég SMS í símann minn þar sem ég lofaði gulli og grænum skógum ef sá er finndi símann kæmi honum aftur til réttmæts eiganda. Erla týndi nefnilega símanum sínum fyrir einhverjum mánuðum síðan og hefur hún aldrei séð til hans aftur svo ég var ekki að gera mér miklar vonir (mætti nefna að hjólinu mínu var stolið fyrir nokkrum vikum) um að fá símann til baka. Það var því gríðarlega óvænt þegar ég fékk símtal (í símann hjá ladda) tveim tímum síðar. Einhver kona hafði fundið hann á götunni og í góðmennsku sinni hringt og komið honum í sjoppuna hinumegin við götuna. Ekki vildi hún fá neitt fyrir fyrirhöfnina svo ég þakkaði henni í bak og fyrir á minni vel slípuðu dönsku og bað hana vel að lifa.

Ég var svo glaður í hjarta gerði ég tvö góðverk í staðinn seinna um daginn (algjörlega ómeðvitað reyndar). Á leið minni á æfingu rakst ég á mann sem var við það að missa 100 kall úr rassvasanum. Ég kallaði auðvitað til hans og benti honum á seðilinn sinn. Hann var afskaplega ánægður að fá að vita þetta og skaut seðlinum djúpt ofan í vasann aftur. Í miðasölunni á lestarstöðinni gerði ég svo annað góðverk með því að rétta viðkunnanlegum manni númerið mitt þegar ég var á leiðinni út (ég þurfti nefnilega ekki að nota mitt) og sparaði honum því 10 mínútur í biðröð. Hann varð ákaflega ánægður enda kominn langt yfir þann aldur að nenna að bíða eftir nokkrum sköpuðum hlut.

Ég vildi að fólk gerði góðverk daglega og það mjög meðvitað. Þannig yrði heimurinn sennilega betri fyrir vikið (amk. betri en hann er í dag).

Svo er HM að byrja í kvöld. Opnunarleikur Þjóðverja og Costa Rica. Við laddmundur ætlum að byrja gleðina á Peter Bangs Vej með upphitun í gosi og snakki. Næstu vikur verða fótbolti, fótbolti, fótbolti ... maður lifandi!

fimmtudagur, júní 08, 2006

Lögverndaður hönnuður

Þá hefur Alþingi loksins ákveðið að gefa okkur grafísku hönnuðunum lögverndað vinnuheiti. Fannst mér þá vera kominn tími til enda löngu orðið þreytt að allir í heiminum sem einhverntíma hafa kveikt á Photoshop eða opnað Windows Paint geti kallað sig grafískan hönnuð.

miðvikudagur, júní 07, 2006

Miðvikudags sarpurinn

Jahérna, eftir hálf tómlegan sarp síðast kemur þessi inn með látum. Látum vaða:

Áttu iPod og verður oft rafmagnslaus? Afhverju ekki að kaupa sér svona lítið batterísbox (AA) svo þú getir hlaðið í neyð ....

Þetta er sennilega mesti tölvunörd sem Ísland hefur alið. Annars var ég ekkert ólíkur honum nokkrum árum seinna. Spilaði Kings Quest, Space Quest og alla þessa leiki út í eitt.

Ef þú ert ekki hrifin(n) af Hi-Fi frá Apple þá er SpecktoneRetro sennilega málið.

The Sad Tally. Hversu margir hafa hent sér af The Golden Gate brúnni í San Fran? Hér eru tölurnar og hvar fólk hefur hent sér af brúnni í gegnum árin. Það er nú til tölfræði fyrir allt ....

Ertu orðinn þreyttur á hönnunardrullunni í kringum þig? Hjá Logoworks er hægt að kaupa þjónustu margra grafískra hönnuða sem vinna freelance. Allir skila inn hugmyndum og þú velur þá bestu. Það má svo metast um gæði þessara hugmynda :/

Etre er fyrirtæki sem hefur þróað nýja tækni sem kallast Eye Tracking. Með þessari tækni er hægt að sjá hvert auga notandans leitar og hvað hann/hún skoðar hverju sinni. Ótrúlega þægilegt fyrir þá (mig) sem hanna vef viðmót flest alla daga :)

Íslendingar hafa fengið nýjan kvikmyndavef og heitir hann Film.is. Hef skoða smá af honum, lesið gagnrýni og annað og hann lofar góðu. Finnst ég samt endilega kannast við þessa rauðu stiku sem kemur efst (glitnir.is?)

Enn ein persónusköpunin í gangi hér. Eins og með KB banka, Lottó og flest öll stór fyrirtæki á Íslandi fara menn alltaf sömu leiðina. En þótt þessi herferð fyrir HM dagskrá Sýnar sé eins og allt annað þá hlæ ég alltaf jafn mikið af vitleysunni í honum Pétri. Hann er bara of fyndinn gaur.

Man einhver eftir stóra Virgin pósternum þar sem átti að finna 74 hljómsveitir á einni mynd? Hér er sama þraut nema þú átt að finna 100 kvikmyndir :)

Ertu vefhönnuður og þarft að mauka saman mikið af formtökkum yfir daginn? Láttu Buttonator sjá um þetta fyrir þig.

Færeysk skilti og annað vekur alltaf upp kátínu. Það er bara eitthvað svo fyndið við þetta blessaða tungumál :D

þriðjudagur, júní 06, 2006

Hvítasunnan

Nóg að gera um helgina víst. Föstudagurinn fór í grill og rólegheit hjá runa og Heiðrúnu. Veðrið búið að vera svolítið misjafnt svo maður þarf að vera tilbúinn að hlaupa inn ef það byrjar að þykkna upp. Já, veðrið hérna getur stundum verið jafn óútreiknanlegt og heima á Íslandi.

Laugardagurinn fór að miklu leiti í tuðruspark. Áttum leik við eitt af sterkari liðum í deildinni. Það var ágætur andi í hópnum til að byrja með og því mikið högg þegar við fengum á okkur fyrsta markið strax eftir eina og hálfa mínútu. Ekki bætti úr skák að mikill mótvindur var í fyrri hálfleik og erfitt fyrir okkur að finna rétta tempó-ið. Það var svo ekki fyrr en í fyrri hálfleik að við komum framar á völlinn og fórum að setja okkar mark á leikinn. Þeir náðu svo að skora aftur (pínu gegn gangi leiksins) áður en við náðum að setja okkar fyrsta. Eftir mikla pressu frá FC Íslandi síðustu mínúturnar komust þeir í skyndisókn og náðu að setja þriðja og síðasta mark leiksins, lokatölur 3-1 góðu liði B 1904 Kaupmannahöfn í hag.

Á Hvítasunnudag (Pinsedag) ákvað sólin að heiðra okkur með nærveru sinni og fór mikill tími í að sitja úti á svölum og sleika upp geislana. Við feðgar fengum okkur labbitúr í hverfinu og fengum okkur ís saman úti í Kisosknum á horninu. Það þótti litla manninum ekki leiðinlegt.

Á 2. Pinsedag (mánudag) fékk svo Guðjón Ingi hita og þurfti ég að vera með litla gaurinn heima á meðan hann var að jafna sig. Við horfðum á Ávaxtakörfuna svona 5 sinnum og Madagascar svona 2 sinnum. Ég kann þessar DVD myndir næstum utanbókar núna :) Erla er búin að vera vinna mikið í ritgerðinni sinni undanfarið og hefur maður séð lítið af henni nema þegar hún kemur heim að borða og sofa og svoleiðis :)

Í dag hef ég svo bara verið heima að vinna þar sem laddmundur er að leika hlutverk gestgjafa á meðan móðir hans og faðir eru í stuttu stoppi í Kaupmannahöfn. Við förum svo væntanlega niður á Vestebrogade í fyrramálið, þeas. ef Guðjón Ingi verður hress ...

Mánuður í Tenerife ... úffffff. Farinn að telja niður dagana .....

miðvikudagur, maí 31, 2006

Miðvikudags sarpurinn

Mikið er sarpurinn búinn að vera tómur hjá mér undanfarið. Veit ekki hvort internetið er í sumarfríi eða ég bara svona latur við að surfa :/

Ertu bloggari? Afhverju ekki að vera snobb bloggari? Hér eru leiðbeiningar fyrir venjulega bloggara að því hvernig best sé að breyta blogginu sínu í snobb blogg ...

P.S Það er meira að segja hægt að "hlusta" á færsluna (sniðugt).

Hversu vel skilur þú hönnun? Hér er fínt próf fyrir okkur hönnuðina, þá sérstaklega vefhönnuðina. Mér gekk bara sæmilega ...

Að lokum vildi ég bara minnast á Google Analytics sem er fræbær site analyser fyrir fyrirtæki og einstaklinga. Sniðugt td. að tengja við blogg sem þetta og hafa yfirsýn yfir hverjir eru að koma inn, hversu oft og hvaðan. Eini gallinn er að þetta er invite only í augnablikinu svo það er best að sækja um og bíða.

sunnudagur, maí 28, 2006

Ruslpóstur

Þegar ég bjó á Íslandi blöskraði mér oft yfir öllum þeim ruslpósti sem flæddi inn um lúguna í hverri viku. Eftir að ég flutti til Danmerkur hef ég komist að því að Ísland kemst ekki með tærnar þar sem Danirnir hafa hælana í framleiðslu á ruslpósti. Þessa mynd tók ég í dag eftir að hafa raðað upp ruslpósti dagsins ... já DAGSINS!

föstudagur, maí 26, 2006

The single life

Þá er langur dagur að kveldi kominn. Vaknaði snemma í morgun eftir góðann bender með strákunum í gær. Hentum okkur í keilu og tókum fúsball á Solbakken, endalaus gleði. Áttum svo leik í morgun kl. 10.45 og var mæting í fyrra fallinu eins og venjulega. Sem betur fer hafði bjórinn ekki farið illa í mig og ég gat nokkurnveginn haldið haus fram að leik ;) Þetta var nokkuð dapurt lið sem við vorum að spila við, gamlir refir sem greinilega voru komnir á tíma sumir og áttu ekki inni nema 30-40 mín áður en þeir hættu alfarið að hlaupa, úrslitin 5-1 okkur í vil, nokkuð sanngjarnt bara.

Erla og Guðjón Ingi fóru til Íslands á þriðjudaginn og hef ég því verið einstæður í 2 daga. Það er alltaf spes tilfinning og eiginlega svolítið einmannalegt þegar maður er bara einn í íbúðinni alla daga. Ég ákvað því að taka boði Runa og Heiðrúnar og skella mér í íslenskt lambalæri í tilefni dagsins. Jón og Inga (foreldrar Heiðrúnar) komu svo frá Svíþjóð og snæddum við öll saman, ræddum póitík, töluðum um heimsmálin og margt annað.

Svo var bara lest heim og stefnan tekin á rúmið eftir ca. 10 mín. Svolítið skrítið að sofna einn í svona stóru rúmi :)

mánudagur, maí 22, 2006

Mánudags sarpurinn

Yahoo fór nýlega í loftið með nýja Tech síðu. Hún er ekki eins nörda oríentuð og margar síður af sama toga svo það er fínt fyrir mömmur og aðra sem vita minna um tölvur að finna hluti á þessari síðu.

Á afmælisdaginn minn 9. maí fór fram hin árlegu Webby Awards. Þar er auðvitað ótrúlega mikið af síðum verðlaunaðar fyrir allskonar hluti. Nú er einmitt búið að bæta við blogg verðlaunum fyrir þá sem teljast framúrskarandi á því sviði.

Ég fékk mína fyrstu Vans skó um daginn. Þetta eru ótrúlega þægilegir götuskór og mæli ég óhikað með að fólk fjárfesti í einu pari þó það væri ekki nema bara til að rifja upp dagana þegar maður klæddist kínaskóm alla daga :)

Vantar þig bakgrunn á síðuna þína? Afhverju ekki að nota þessa síðu?

Sumarið er komið (amk. í Kaupmannahöfn). Þá fer í hönd smoothie tími ársins þar sem maður reynir að kæla sig niður í hitanum. Þessi bók var á tilboði hérna niðri í Føtex og smellti ég mér á eintak. Ómissandi fyrir smoothie aðdáendur í sumar :)

föstudagur, maí 19, 2006

Öðru ævintýri lokið ...

Góða Sylvía Nótt. Nú er þinni dramatísku ferð til Aþenu lokið, öllum íhaldssömum evróvision tepru fíklum til mikillar gleði. Ferðin var góð og mjög gleðileg að mínu mati. Ég skal fúslega viðurkenna að ég horfi aldrei á þátt hennar þegar hann var á dagskrá Skás Eins og hafði meira að segja óbeit á stúlku en eftir að hún fór á svið með lagið sitt og tilburði þá féll ég fyrir henni.

Undankeppnin í gær var auðvitað grín. Ég held að okkar framlag, sem vissulega var grín hafi snúist upp í andhverfu sína og gert grín að gríninu, eða þannig. Ég meina gaurarnir sem sungu "We are going to win Eurovision" voru auðvitað að gera grín, kannski það hafi verið aðeins meira subtle en Silvía því þeir komust áfram í lokakeppnina, eins gerðu Finnar með sitt fágaða dauðametal. Afhverju var okkar framlag tekið svona sérstaklega fyrir sem hæðni?

Ég vona að tímar okkar í þessari keppni séu taldir, á vissan hátt held ég við séum vaxin upp úr þessari keppni. Hvernig er hægt að koma að ári með lag sem slær út Silvíu? Hvernig getum við farið að taka þetta alvarlega aftur eftir að hafa farið þessa leið í ár? Ég legg til að peningarnir fari frekar í veglega söngvakeppni innanlands eða jafnvel í eitthvað merkilegra málefni en Balkaneurovision.

fimmtudagur, maí 18, 2006

Ævintýrið búið...


Jæja, þá er Meistaradeildinni lokið þetta árið, flestum til mikillar ánægju. Ekki var þetta árið sem Arsenal átti að hampa bikarnum, því miður. Dómari leiksins (Norðmaður auðvitað, hvað annað?) ákvað upp á sitt einsdæmi að eyðileggja frábæra skemmtun eftir aðeins 20 mínútna leik og reka marvörð Arsenal af leikvelli. Þótt svo dómurinn hafi vissulega verið réttlætanlegur þá var það bara svo súrt að svo skildi fara á þessum tímapunkti í leiknum. Ekki bætti úr skák að þessi slaki Norðmaður átti ekki eftir að sjá til sólar í góðri dómgæslu það sem eftir lifði leiks ...

Það er alltaf næsta ár, Arsenal er lið sem er á þrusu siglingu, ungir leikmenn í hverju horni og nú er bara að bíða og sjá hvað elsku Henry minn gerir.

En nóg um knappspyrnu. Ég sit hérna heima, rigningin ætlar greinilega engan endi að taka og æfing í fótbolta eftir 3 tíma. Það veður mjöööög líklega slöpp mæting þar sem flestir vilja sennilega vera heima í sófa með einn kaldann og sjá Silvíu Nótt "fuckin" vinna þessa undankeppni. Ég mun allavega klappa fyrir henni enda sjaldan verið gefið jafn mikill skítur í eina Evróvisionkeppni.

Til hamingju Ísland.

þriðjudagur, maí 16, 2006

Wet And the City

Það er blautt í kóngsins Kaupmannahöfn í dag. Eftir 10 góða sólardaga er aftur farið að kólna. Maður var kannski orðinn of góðu vanur, ég veit ekki. Eftir ca. klukkustund eða svo verður mér svo enn meira kalt þegar ég fer alla leið upp í Valby til að sparka í tuðru, grenjandi rigning og varla 10 stig á mælinum. Stefnir allt í kvef á morgun ...

Annars eru tæplega 2 mánuðir í ferð til Tenerife og ég get vart beðið. Við konan erum meira segja farin að plana næstu utanlandsferð en þá verður vonandi flogið til Nýju Jórvíkur til að taka púlsinn á öllu því nýjasta í hönnun, mat list. Allir sem farið hafa til stóra eplisins mega endilega senda mér uppástungur :)

laugardagur, maí 13, 2006

Liverpool

Ef Liverpool er svona frábært lið, afhverju geta þeir aldrei unnið úrslitaleiki í venjulegum leiktíma?!?!

föstudagur, maí 12, 2006

Radiohead myndir











Gleymdi alveg að post-a nokkrum myndum frá tónleiknum sl. sunnudag. Hér koma nokkrar sem eru lýsandi fyrir stemminguna sem var í höllinni og eftirpartý-inu á Peter Bangs Vej.

Tveir slakir í gatinu

Við laddmundur sitjum hér á skrifstofunni, aleinir (tja, fyrir utan nokkra vinnualka). Ástæðan er að það er almennur frídagur hér í Danmörku. Ekki veit ég tilefnið því miður en það hefur sennilega eitthvað með trúarbrögð að gera :) Reyndar er ótrúlega þægilegt að vera fifty/fifty Dani-Íslendingur vegna þess að þá ætti maður réttilega að geta tekið frídaga beggja landa. Verð að muna það næst ....

miðvikudagur, maí 10, 2006

Miðvikudags sarpurinn

Þá er komið að því að tæma sarpinn. Orðinn ágætlega fullur síðan síðast.

Nýjustu auglýsingarnar frá Apple eru kjánalegar, barnalegar en ég glotti alltaf og brosi í annað þegar ég horfi á þær.

Þessi mynd er möst fyrir flesta hönnuði og já, auðvitað alla arkítekta! Sketches of Frank Gehry fjallar og ævi og verk Frank Gehry sem hannaði ma. Guggenheim safnið á Bilbao, Spáni. Svo hefur hann líka komið í Simpsons þætti :)

Langar þig að hanna bók en ert bara ekki hönnuður í þér? Þá er Blurb málið. Búðu til þína eigin kokkabók, blogg bók eða bók um barnið þitt með þessu þægilega forriti.

Guggi benti mér á þessa auglýsingu fyrir Firefox (gerð af áhugamanni auðvitað). Víííííííííííí ....

MacZot býður þér upp á ódýra mánaðarlega áskrift og í staðin færð þú ókeypis forrit á hverjum degi. Forritin geta verið hræbilleg upp í mjög dýr forrit.

Eitt fyndið clip. Háskólanemi tekur sig til og syngur heilann söngleik í miðri kennslu. Það þarf kjark í þetta ....

Vítamín fyrir okkur hönnuðina og forritarana. Fínt portal fyrir þá sem vilja fylgjast með öllum ofurhetjunum sínum. Það er hann Ryan Carson (Carson Workshops) sem heldur þessu saman.

þriðjudagur, maí 09, 2006

Til hamingju með daginn ÉG!

Þeir sem enn hafa ekki óskað mér til hamingju með daginn hafa verið settir í svörtu bókina ;)

Takk.

Smekkfull helgi


Aldeilis búið að ganga mikið á síðustu daga. Pabbi hennar Erlu og konan hans Guðrún komu í heimsókn á fimmtudaginn síðasta, afmælisdaginn hans Guðjóns Inga. Erla var búin að vera alveg á kafi í verkefni fyrir skólann sem hún svo kláraði á föstudaginn. Á föstudaginn kíktum við aðeins niður á Strikið í blíðunni sem er búin að vera hérna síðustu daga. Settumst niður á Café Norden og sleiktum sólina fram undir kvöldmat.

Á laugardeginum var svo komið að mikilvægum fótboltaleik fyrir FC Island. Við áttum FC Punanni á útivelli og mikilvægt fyrir okkur að tapa ekki stigum ef við ætluðum að blanda okkur í toppbaráttuna í ár. Blíðan var þvílík og liðið vel stemmt. Lokatölur voru 3-7 frábæru liði Íslands í hag. Einstaklega sætur sigur og vill ég meina að sjaldan hafi verið eins svakaleg innkoma eins rauðærðs manns í hægri bakvörðinn! Menn höfðu það jafnvel á orði á bekknum að þetta væri eitthvað meðfætt ... læt það nú vera. Eftir leikinn fórum við fjölskyldan ásamt "ömmu og afa" niður á Nyhavn þar sem við skelltum okkur í klukkutíma siglingu með fararstjórn. Alltaf gaman að sigla um kanala Kaupmannahafnar.

Á sunnudeginum var svo slegið upp veislu til heiðurs litlu frændunum, þeim Guðjón Inga (2 ára) og Kristjáni Daða (1 árs). Þeir eiga afmæli með eins dags millibili svo það var kjörið að slá þessu saman. Auðvitað komu fullt af gestum í heimsókn með pakka undir báðum höndum. Við sátum úti í góða veðrinu og borðum kökur og heita rétti að hætti Erlu og Heiðrúnar. Svo voru pakkarnir opnaðir og fékk Guðjón Ingi ma. risa stóran bangsa frá Bølle, þríhjól og rugguhest frá Anettu frænku sinni, bækur og liti, Kardimommubæinn, bíl, lest, kubbasett, sundkúta og auðvitað fullt af fötum og höttum :) Yndislegt, takk kærlega fyrir okkur :)

Til að fullkomna daginn fórum við betri helmingurinn á Radiohead tónleika um kvöldið með fríðu föruneyti. Tónleikarnir fóru fram í KB hallen sem er auðvitað hérna í bakgarðinum hjá okkur svo auðvitað héldum við partý fyrir fólkið áður en við þrömmuðum yfir. Tónleikarnir voru mjög góðir og fólk greinilega vel stemmt. Hitinn náði sennilega sögulegu hámarki undir lok tónleikanna og sennilega hefur hitinn farið vel yfir 50 stig þarna inni, enda engin loftræsting ... ekki einusinni gluggi!! Guðjón Ingi var svo bara hjá afa sínum og ömmu gurru uppi á hótelherbergi um nóttina í góðum gír. Algjör engill.

Gærdeginum (mánudagur) vörðum við svo í Tivoli í alveg frábæru veðri. Fórum með Guðjón Inga í öll tækin, fórum á Ítalska staðinn sem er í miklu uppáhaldi og fengum okkur auðvitað ís og pönnuköku. Virkilega ánægjulegur dagur í miðbænum.

föstudagur, maí 05, 2006

Til hamingju með afmælið sæti strákur

Litli kallinn minn hann Guðjón Ingi varð 2 ára í dag (tæknilega í gær þar sem kl. er komin yfir miðnætti). Óska honum og mér auðvitað innilega til hamingju með daginn. Afmælisveisla verður haldin á Solbakken nk. sunnudag kl. 14.00. Allir velkomnir :)

Dagurinn minn í myndum

Mig hefur alltaf langað til að mynda dæmigerðann dag í lífi mínu. Í dag tók ég mig svo til og lét af verða. Þetta er að vísu ekki alveg heill dagur hjá mér en sennilega nær hann frá 10-18. Venjulega vakna ég 7.30 og nú er kl. að ganga 1 eftir miðnætti svo ég er oft lengur frameftir en flestir Danir. Allavega, ég tók myndavélina með mér hvert sem ég fór og stillti símann á 30 mínútna áminningu. Í hvert skipti sem ég heyrði í símanum reif ég upp vélina og tók mynd, með það fyrir augum að fanga momentið. Ekkert zoom, engar uppstillingar, bara að taka mynd. Svo raðaði ég þessu saman í tímaröð og má sjá útkomuna hér til hliðar. Hvet alla til að prufa þetta við tækifæri :)

Myndina má sjá stærri og betri hér

mánudagur, maí 01, 2006

Mánudags sarpurinn

Hér er nokkuð að því markverðasta sem ég skoðaði í síðustu viku:

Super Mario Bros. á Broadway? Næstum því :)

Raggi og Gunni félagar mínir (þeir eru bræður já) eru á bak við Sigtið, nýr þáttur á Skjá Einum. Þættirnir eru settir upp sem Mockumentary og hafa eitthvað yfirbragð yfir sér sem maður hefur ekki séð áður. Hægt er að sjá alla þættina á kvikmynd.is.

Iceweb 2006 ráðstefnan gekk víst mjög vel. Þar sem ég náði ekki að sjá sjálfa ráðstefnuna fékk ég nokkrar myndir og video til að skoða:
Einar með sínar myndir
Smá video af ráðstefnunni.
Joe Clark með nokkrar myndir og hér með nokkrar myndir af íslenskri týpógrafíu.

Alltaf er ég að skoða Typetester, finnst þetta svo sniðugt tól fyrir menn eins og mig sem eru alltaf að hanna fyrir vefinn. Forritar geta notað þetta líka að sjálfsögðu.

Gleðilegan 1. maí :)

fimmtudagur, apríl 27, 2006

Iceweb 2006

Þá fer hún að byrja bráðum, stærsta net ráðstefna sem haldin hefur verið á Íslandi frá upphafi, eða svo vilja menn meina. Mér finnst þetta göfugt framtak og óska þess að allt gangi vel á ráðstefnunni um leið og ég græt að að vera fastur í Kaupmannahöfn og ekki komast til að hitta allar hetjurnar.

Ég fékk það skemmtilega verkefni að henda saman merki og bréfsefni fyrir þennan viðburð og fá þeir sem sækja ráðstefnuna að bera útkomuna augum. Þetta var nú reyndar klassískt "low budget - no time" verkefni en svoleiðis verkefni geta oft verið skemmtileg þar sem maður fær engan tíma til að hanga yfir hlutunum. Þetta er eins og hraðskák, nema í stað taflborðs þá nota ég Adobe Illustrator.

Vonandi verður boðið upp á einhverskonar post round-up eftir fundarhöldin og þeir sem ekki náðu að sjá fyrirlesarana geti kynnt sér hvað þeir höfðu að segja með niðurhali á fyrirlestrum, streymandi video-i eða annað slíkt. Hey, ég meina er þetta ekki internet ráðstefna?!?

þriðjudagur, apríl 25, 2006

12 mínútur

Nú þegar sumarið er farið að segja all verulega til sín er ekki úr vegi að draga fram reiðskjótann og hjóla í vinnunna. Við laddmundur erum komnir á nýjan stað í miðbænum, á Vestebrogade 74 (við hliðina á Føtex fyrir þá sem þekkja til). Þetta er nefnilega einstaklega þægilegur fararmáti og mun sneggri en bílar og almennings samgöngur. Svo fer maður bráðum að geta hjólað þetta á stuttbuxum og stuttermabol einum saman :D

mánudagur, apríl 24, 2006

Helgin

Þá er enn ein helgin liðin. Fyndið hvað maður þarf alltaf að reyna að muna hvað maður var að gera sl. föstudag og laugardag. Föstudagurinn var bara nokkuð rólegur, laugardagurinn líka. Við feðgar vorum bara mikið heima fyrir á meðan Erla var að ná sér inn í lærdóminn aftur eftir nokkra daga veikindi. Á sunnudaginn var svo fyrsti fótboltaleikur tímabilsins á mót grófum, illa spilandi, skota elskandi, kjaftbrúkandi vælukjóum í Celtic. Án þess að fara út í allt of mikil smáatriði þá töpuðum við leiknum 2-0 og því fyrsta tap Guðrúnar í langan tíma staðreynd ...

föstudagur, apríl 21, 2006

Föstudags sarpurinn

Yahoo er að skipta um útlit! Verður spennandi að sjá meira af þessu.

IceWeb ráðstefnan verður haldin heima í næstu viku og er ég víst að hanna merki og annað fyrir þessa ráðstefnu. Fyrir mig og aðra sem ekki komast á ráðstefnuna og eru staddir í Kaupmannahöfn í byrjun júní þá mæli ég með Reboot!

Badboy er með lista fyrir mestu vef hönnunar mistök á árinu 2005 (Biggest Web Design Mistakes of 2005)

Digg er sniðugt. Þar velur fólkið bestu greinarnar. Sjálfur er ég búinn að setja upp user en á eftir að digga nokkrar greinar :)

Hugh Macleod teiknar skopmyndir aftan á nafnspjöld. (hann var einmitt gestur í Gillmor Gang (sjá síðustu færslu)).

Gillmor Gang

Hlustaði á nokkuð skemmtilegt podcast í gær sem Egill kunningi linkaði í. Þar eru nokkur nafntoguðustu nöfnin í bransanum að ræða saman um allt milli himins og jarðar. Þar fer fremstur í flokki Steve "mono rödd dauðans" Gillmor. Allavega fannst mér nokkir góðar punktar í þessum þætti og hafði ég þá sérstaklega gaman að business módúl Mike Arrington:

"If I was 17 years old right now I would hire 50 people in India to play World of Warcraft and build up characters and gold and weapons and then I would sell it all on Ebay"

Snilld.

fimmtudagur, apríl 20, 2006

Guðjón Ingi

Hafði ekki ennþá post-að mynd af gullinu mínu jafnvel þótt myndasafnið sé 90% hans eign. Hér er ein mynd tekin í fyrrasumar í kirkjugarðinum í Frederiksberg þar sem amma hans og afi eru grafin.

Tunglhjarta

Tók þessa mynd fyrir austan. Opið ljósop og fullt tungl. Svo er bara að "teikna" með myndavélinni :) Ég teiknaði hjarta ...

miðvikudagur, apríl 19, 2006

Shake-y legs

Hafið þið einhvern tíma unnið eða setið við hliðina á manneskju sem er með krónískan hrista fótinn sjúkdóm. Laddi vinur minn er þannig, hann hristir fótinn sinn undir borðinu allan daginn og veit ekki einusinni af því!

þriðjudagur, apríl 18, 2006

Nafnaþvæla

Rétt áðan ætlaði ég að prufa að ganga í hóp þeirra fjölmörgu sem hafa búið til Flickr síðu með myndunum sínum. Þetta batterí er eins og svo mörg önnur í eigu Yahoo. Gallinn við þetta er hinsvegar sá að þegar kemur að því að búa til nýjan account þá þarf maður amk. nokkra klukkkutíma til að finna eitthvað sem hægt er að nota! Þar sem ég heiti ekki ekta íslensku nafni hefur alltaf verið örlítið erfitt fyrir mig að búa til notandanafn sem stendur út. Stutta nafnið "jonni" gengur heldur ekki alltaf því margir úti í heiminum eru greinilega kallaðir jonni, þá sérstaklega í Finnlandi (go figure). Fyrir mörgum árum bjó ég til account hjá Yahoo og gekk ég svo langt að búa til "jonni1977jonni". Eins og gefur að skilja hef ég ekki notað það mikið enda ónothæft með öllu. Ekki gekk betur áðan þegar ég reyndi eftirfarandi: "jonathan, jonathangerlach, jonathan_gerlach, jonni, jonni1977, fuckyahoo, fuckingmotherfucker, fuckinshit" Ekkert af þessu virkaði svo ég gafst bara upp. 

Sumir hafa lent í þessu á blogger líka þótt vandamálið sé ekki eins alvarlegt þar. Það sem er mest pirrandi er að þessi notandanöfn og síður eru flest í eigu einhverra aumingja sem skrá sig inn einu sinni og hafa svo ekki snert við þessu síðan. Það ætti bara að henda þessu fólki út og gefa nýju fólki séns á að búa sér til nafn sem ekki inniheldur 15 stafi! Amk. að gefa þeim viðvörun ........

Nashyrningur


Fórum í dýragarðinn á Jótlandi um helgina. Komst svo nálægt þessum nashyrning að ég gat næstum því klappað honum.

Slappir páskar

Eitthvað er búið að vera rólegt í blogginu yfir páskana enda fórum við fjölskyldan til Árósa um helgina. Fengum þar íbúð að láni og ætluðum að skella okkur í Lególand ásamt Runa og Heiðrúnu, Ástþóri og Ásrúnu og börnum á laugardeginum. Eitthvað varð lítið úr þeirri heimsókn hjá minni fjölskyldu þar sem Guðjón Ingi fékk hita og varð veikur alla helgina. Ekki skánaði það þegar Erla fékk sömu pest og nú liggja allir fyrir hér heima í slappleika. Að vísu fórum við í Drive-through dýragarð á sunnudeginum sem varð að ágæis skemmtun. Keyrðum bílana næstum upp að ljónunum, gíröffunum og buffalóunum að maður gat næstum klappað þeim út um rúðuna, nokkuð magnað. Kannski ég post-i mynd af nashyrningi sem ég komst svo nálægt að það mætti halda að ég væri með zoom-linsu á vélinni (var í rauninni bara með 18-55 kit linsuna :)). Misstum svo af páskamatnum hjá runa og heiðrúnu í gær sökum fyrrgreindra veikinda en þau voru svo almennileg að senda okkur hluta af matnum svo páskarnir yrðu ekki algjört bust, þau eru svo frábærir vinir að eiga :) Nú tekur bara við venjuleg vinnuvika og ég er strax farinn að telja niður í sólarlandaferðina í júlí ... og eitt í viðbót, sumarið er komið!!! :D

fimmtudagur, apríl 13, 2006

Páskarnir

Þá eru páskarnir gengnir í garð. Kærkomin hvíld frá vinnunni er vel þegin. Um helgina ætlum við fjölskyldan, ásamt Runa & co. að skella okkur til Árósa. Á laugardeginum ætlum við svo að kíkja í Legoland með börnin. Það verður sko mikið fjör, maður lifandi!

sunnudagur, apríl 09, 2006

Ferðalög


Ekki hægt að segja að maður sé hokinn af reynslu í ferðalögum ....... 3% af öllum heiminum og ég að nálgast þrítugt.
Hvað með þig?

Api


Fórum í dýragarðinn í gær (þriðja helgin í röð hjá mér :)) og fékk ég þennan apa til að taka nokkrar pósur.

laugardagur, apríl 08, 2006

Dark Knight


Ég sveik víst að post-a einni ljósmynd í gær svo ég ætla að bæta það upp með þessari mynd af Reiðmanninum mikla. Hann er staðsettur við Bredegade í Kaupmannahöfn fyrir áhugasama.

Amalienborg


Tók þessa mynd úr miðju Amalienborgar torgs í Norð-vestur. Skrifstofan mín (Glitnir) er staðsett fyrir ofan króatíska fánann (ef þið náið að spot-a hann :))

föstudagur, apríl 07, 2006

Nýjasti tölvupósturinn

Að hætti Ragga félaga ætla ég að birta 20 síðustu subject línur úr póst forritinu mínu :)
(Þetta fer auðvitað ekkert lengra ;))

· RE: Hveragerði
· RE: Forsíða
· Urgent
· RE: Ræðarar
· FW: Myndir
· FW: Ræðarar
· FW: Fréttabréfið
· Re: iCHat?!
· Forsíða
· RE: Annata leitar að úrvalsfólki.doc
· RE: gengi hlutabréfa á forsíðu
· RE: 2 mál
· RE: Verkefnið
· RE: A/S umsóknir
· Re: Nýtt veftré
· Fw: Logó_HVERAG
· FW: Myndirnar sem þarf að breyta.
· RE: Uppkastið kemur á allra næstu dögum ...
· Re: Heimilisfang í DK
· Re: Almenni.psd

miðvikudagur, apríl 05, 2006

Útsýni


Ef ég stend úti á svölunum á skrifstofunni þá blasa þessir bílar við mér þegar ég lít niður og til vinstri.

Þægindi

Snilldin við að eiga makka er að geta post-að á bloggið beint úr desktopinu með Blogger widgetinu sínu :)

Sígarettur

Það vakti athygli mína frétt á mbl áðan sem fjallaði um hækkun skatta á tóbaki. Ég stóð á fætur og klappaði fyrir þessari þessari lesningu. Það er talið að á næstu 50 árum væri hægt að bjarga 114 mannslífum bara með því einu að hækka skatta. Það skal tekið fram að sígarettur drepa hvorki meira né minna en 5 milljónir manna á ári hverju, það eru hreint út sláandi tölur.

Ég hef alltaf verið mikill andstæðingur sígarettureykinga, það mætti ganga svo langt og segja að ég hef óbeit á fólki sem reykir. Ég get ekki gert að því, fólk sem blæs þessum tjörumettaða, eitraða reyk framan í mig og mína fjölskyldu á bara skilið að deyja! Sterk orð, ég veit en ég er viss um að innst inni hugsar þú (sem reykir ekki) "mikið er ég sammála."

Ég hef líka oft velt því fyrir mér hvað mundi gerast ef td. Ísland mundi banna alfarið reykingar í landinu? Ísland er einmitt kjörið til að prufa eitthvað svona byltingarkennt því við erum svo fá og búum þar að auki á eyju. Ætli fólk mundi flytja eitthvað annað aðeins til þess að geta tottað á tjörupinna? Skilja við fjölskylduna og vinnuna bara til að fá meira nikótín? Ég held ekki. Ísland gæti verið þekkt sem "Reyklausa landið" og hlotið mikla viðurkenningu fyrir. Er þetta nokkuð svo langsótt hugmynd?

Frostgreinar

mánudagur, apríl 03, 2006

Wulff hittir naglann á höfuðið

Hérna hittir Wulff naglann á höfuðið, enn og aftur :)

Helgin

Aldeilis prýðileg helgi að baki. Föstudagskveldið fór í pizzu og bjór með strákunum uppi á Solbakken. Ætluðum svo að henda okkur í nýja keilusalinn þarna rétt hjá en þegar við komum vorum við spurðir hvort við værum búnir að panta braut!! Ekki vorum við búnir að gera það (enda allt of vanir að fara bara í Keiluhöllina) svo við við löbbuðum aftur heim :)

Laugardagurinn fór í verslunarferð í IKEA og Adidas outlet-ið sem er þar við hliðina. Mikið rosalega er hægt að gera góð kaup þar. Keyptum skó á Guðjón Inga fyrir skitna 200 DKR og ég keypti mér íþróttasokka, stakk og poka utan um takka skóna. Mæli með þessu. Restin af deginum fór svo í að mynda brúðkaup Ómars og Hönnu Gunnu. Ég tók myndir í kirkjunni sem og í veislunni sem haldin var í sal uppi í Hellerup. Allt gekk að óskum (fyrir utan smá rigningu) og ég er bara nokkuð sáttur með útkomuna.

Sunnudagurinn var blautur, fórum hjólandi í dýragarðinn og eftir hálftíma þar ákváðum við að snúa við og halda aftur heim því þetta var orðið hálf leiðinlegt. Fórum heim og biðum eftir Árnýu og Jóhanni sem ætluðu að fá að gista hjá okkur í eina nótt áður en þau færu til útlanda. Þau fóru semsagt til Lanzarote í morgun og fékk ég að veifa til þeirra á flugvellinum um leið og ég steig upp í bílinn þeirra og "rændi" honum í næstu 14 daga :D Fínt að vera kominn með bíl ...

Til að toppa þetta fékk ég tölvuna mína aftur sem ég er búinn að sakna í mánuð. Hún er búin að vera í viðgerð heima á Íslandi og hefur allt verið úr skorðum á meðan ég hef verið með aðra vél. Dagurinn fer því í að skipuleggja vélina aftur og koma öllu í samt horf.

Ísbjörn


Mynd tekin af ísbirninum í Zoologisk Have í Kaupmannahöfn.

sunnudagur, apríl 02, 2006

Kirkjan


Mynd af Sankt Pauls kirke eftir brúðkaup Hönnu Gunnu og Ómars.

föstudagur, mars 31, 2006

Lífverðir drottningar

Þegar maður vinnur við hliðina á Drottingunni kemst maður ekki hjá því að rekast á lífverði hennar hátignar af og til. Ef ég sé þá ekki yfir daginn þá tek ég stundum á mig krók á heimleið bara til að gleðja augun. Það er eitthvað svo róandi að horfa á þessa beinstífu sóldáta í sínu fínasta pússi labba um eins og borðfjalir í takt við hvorn annan. Ég elska gamlar hefðir.

Radiohead tónleikar

Þá er þetta komið á hreint. Radiohead tónleikar í KB Hallen 7. maí. Mikið hlakkar mig til. Laddmundur, runi, Björgvin og gugga ætla öll að skella sér með og verður væntanlega staldrað við í mjöð á Peter Bangs áður en haldið verður á tónleikana enda á ég heima svo nálægt KB Hallen að það er næstum því úti í garði hjá mér.

Nú er bara spurning hvort þeir taki gamla slagara þar sem maður þekkir þá best eða hvort þeir fari út í súrari tóna eins og þeir hafa verið að gera á síðari árum. Vonandi taka þeir bara allt draslið :)

þriðjudagur, mars 28, 2006

Ljósmynda áskorun

Á laugardaginn kemur hef ég ákveðið að bregða mér í ljósmyndamaraþon, sem verður þó örugglega nær hálf maraþoni. Ég ætla mér að taka eina ljósmynd á dag sem ég gæti post-að hér á síðuna, sjálfum mér og öðrum til mikillar ánægju.

Ljósmyndaáhuginn er að kveikna aftur eftir smá dvala. Vorið er komið og manni er farið að kítla í fingurnar að taka upp vélina og munda hana. Á laugardaginn er svo búið að fá mig í að taka ljósmyndir í brúðkaupi Ómars og Hönnu Gunnu (vinafólk) og verður það byrjunin á þessu öllu saman. Er bara farið að hlakka til :)

mánudagur, mars 27, 2006

Helgin sem leið

Þetta var bara aldeilis prýðileg helgi. Á föstudaginn hélt Baldvin (FC Guðrún) upp á þrítugsafmælið sitt og mættu flestir strákarnir úr boltanum í veisluna. Þegar við laddmundur mættum á svæðið stóð afmælisbarnið við grillið og var að kokka upp glóðsteiktar rauðar pylsur á danska mátann. Pyslsunum var svo skolað niður með ca. 10 kössum af bjór (dugar ekkert minna). Á laugardeginum vaknaði ég svo gríðarlega "hress" eftir atburði næturinnar og ákvað að skella mér í dýragarðinn með Jr. Hitti runa og Ástþór Inga fyrir utan innganginn og við löbbuðum um garðinn í skíta kulda. Það var þó gaman að sjá að bæði ljónin og birnirnir í garðinum eru komin með afkvæmi og voru litlu birnirnir sérstaklega sætir. Fengum svo laddmund og tósu í kjúttling um kvöldið og horfðum á idol saman. Sunnudeginum eyddum við svo feðgarnir saman heima að leika á meðan mamma var að læra með runa (sem svaf víst allan tímann hehe) úti á Solbakken :)

laugardagur, mars 25, 2006

Zoologisk Have

Jæja, við feðgar vorum að koma úr dýragarðinum. Öll dýrin virðast vera að eignast unga núna og sáum við litla ljónsunga og pínu ponku ponsu litla bjarnar unga sem voru svakalega sætir. Vorið ætlar greinilega að láta bíða eftir sér aðeins lengur því ég var gjörsamlega að krókna úr kulda í dýragarðinum. Fínasta skemmtun engu að síður.

sunnudagur, mars 19, 2006

Með vorinu kemur annar litur

Það er óhætt að fullyrða að vorið er á næstu grösum. Hitinn loksins kominn upp fyrir frostmark á daginn og örlar meira á sólinni gert hefur síðustu vikur og mánuði, já mig hlakkar sko til!

Í tilefni þess að vorið fer að koma hef ég ákveðið að breyta yfir í hvítt á þessari síðu. Svarti liturinn var orðinn full dökkur fyrir þennan árstíma :)

Annars er ekki mikið að frétta. Guðjón Ingi búinn að vera með hita um helgina og við höfum reynt að slappa aðeins af. Fórum til Runa og Heiðrúnar í gærkvöldi og bökuðum pizzu að hætti þeirra hjóna.

föstudagur, mars 17, 2006

Glitnir er rauður!

Þá hefur Íslandsbanki fengið vænlega yfirhalningu. Blái viðskiptaliturinn fékk að fjúka fyrir sjóðheitum lit Samfylkingarinnar (og Og Vodafone :)). Ætli landinn verði ekki að fá að venjast þessu aðeins, því þetta er talsverð breyting. Sjálfur er ég viðskiptavinur Glitnis (fyrrum Íslandsbanka) en þar sem ég bý ennþá í Kaupmannahöfn þá hef ég ekki orðið var við alla breytinguna á útibúum ofl. sem flestir sjá heima á Íslandi.

Ég er að vísu búinn að vita af þessari breytingu síðan 1. febrúar þegar ég var sendur heim til Íslands í "briefing." Þar sem ég hef verið vefhönnuður Íslandsbanka/Glitnis í gegnum árin var ég kallaður inn á teppi og beðinn um að hanna vefinn með tilliti til nýja merkisins. Það útlit er ss. það sem þið sjáið í dag á www.glitnir.is og tel ég það bara hafa heppnast með ágætum, þótt rauuuuutt sé!

Vonandi fær þessi síða svo að lifa lengur en í hálf ár (sem er ca. lifitíminn á gamla isb.is vefnum sem fékk ma. 2 verðlaun :))

sunnudagur, mars 12, 2006

Þriggja barna faðir

Í gær fengum við Erla tvö börn til viðbótar á heimilið. Runi og Heiðrún voru nefnilega að fara í matarboð með fjölskydu Heiðrúnar í Malmö og fengu því Ástþór Ingi og Kristján Daði að gista hjá okkur á meðan. Það er aldeilis búið að vera nóg að gera og ljóst að það er ekki tekið út með sældinni að vera þriggja barna faðir :)

Nú sitjum við bara í stofunni að horfa á Magga Slef taka flikk flakk hægri vinstri í Latabæ því við þorum ekki út í kuldann. Það er nefnilega 5 stiga frost í Kaupmannahöfn!!

fimmtudagur, mars 09, 2006

Arsenal for "real"

Mikið var gaman að sjá Arsenal komast áfram í Meistaradeildinni í gærkveldi. Leikurinn fór fram á Highbury og óhætt að segja að mikið hafi verið í húfi fyrir bæði lið (Arsenal og Real Madrid þeas.) Fyrir leikinn áttu þessi lið aðeins einn möguleika á titli í ár og var það Meistaradeildar titillinn. Leikurinn endaði 0-0 en var þó hin besta skemmtun og ég var alveg að fara á taugum undir lokin (Arsenal komst áfram eftir að hafa unnið fyrri leikinn 1-0).

Óska mínum mönnum til hamingju með að vera eina enska liðið sem komið er áfram. Óska líka Liverpool og Chelsea með að vera dottið úr leik, þeir áttu það svo sannarlega skilið.

þriðjudagur, mars 07, 2006

Ruglið

Enn og aftur var Metro-ið í ruglinu í morgun. Ekki að það gerist á hverjum degi en manni finnst það samt gerast allt of oft. Þegar ég mætti á Flintholm í morgun var pallurinn pakkaður af fólki. Þar sem ég er einstaklega "slank" (eins og danskurinn segir) þá náði ég að vippa mér fremst í röðina og koma mér inn í næstu lest (beið þó í 10 mín í frjósandi kulda). Ekki skánaði ástandið þegar nær dróg miðbænum, fólk í hópum að reyna að troða sér inn í þegar smekkfulla lestina. Þetta var eiginlega hálf klúðurslegt. Var þó með iPod-inn í eyrunum og sló ég taktinn með De La Soul. Erfitt að kvarta yfir seinni lest þegar maður heyrir þessa snillinga rappa um það hvernig sé að alast upp í gettó-inu. Þar flokkast lestir undir lúxus samgöngur ...

fimmtudagur, mars 02, 2006

Tónlist á meðal fólksins

Að öllu jafna labba ég frá Frederiksgade niður að Kongens Nytorv eftir vinnu til að taka Metro heim. Hef í raun ekkert á móti því, alltaf frískandi að fá sér smá labbitúr eftir langan vinnudag. Í gær breytti ég þó aðeins til, þó ekki viljandi. Ég setti iPod-inn minn í gang og kveikti á nýjasta disk Sigur Rósar, Takk.

Það er eins og öll ferðin heim breyttist í lítið ævintýri. Allt fólkið á leiðinni breyttist í einskonar söguhetjur, ég get eiginlega ekki úskýrt það betur. Tónlistin er svo draumfengin og dulúðleg að maður fer ósjálfátt að "spá" í fólki í kringum sig. Hvernig persóna er þetta? Hvaðan kemur þessi? Hvert eru þau að fara?

Fyrir þá sem vilja upplifa þessa tilfinningu þá mæli ég með einu stk. iPod, Sigur Rós og hressandi göngu í miðbænum.

miðvikudagur, mars 01, 2006

Frægðin

Um daginn var haldið hið árlega þorrablót Íslendingafélagsins hér í Kaupmannahöfn. Fögnuðurinn var haldinn í Nimbs í Tívolí og margt um manninn, sennilega hátt í 300 manns (400 með öllum öryggisvörðunum!). Veislan fór vel fram og fagnaði ég með félögum mínum í Fótboltafélaginu Guðrúnu fyrsta sæti í Icelandair Open (sem fór fram fyrr um daginn). Einhverjum ljósmyndaranum þótti það svo merkilegt að hann/hún tók af okkur (ég, Ingi, Jón Auðunn og Baldvin) mynd og sendi í Hér & Nú. Ég er því í blaði með ekki minni mönnum en Bubba, Sirrý og Jessicu Simpson.

Sækjið blaðið hér (bls 41)

... og til hamingju með afmælið í dag Runi!! :)

þriðjudagur, febrúar 14, 2006

Dagarnir líða

Þá ætla ég loksins að hrista upp í þessu og bæta við færslu. Það er búið að ganga svo mikið á undanfarið að það hefur varla gefist tími til að blogga almennilega. Það verður því lagfært hér og nú.

Dagarnir líða hjá einn af öðrum og ekki ljóst við að maður sé aðeins farinn að hlakka til vorsins. Það kemur nefnilega mun fyrr hér í Kaupmannahöfn heldur en á Íslandi. Þó er ennþá kalt úti og verður vetrarflíkunum sennilega ekki pakkað niður fyrr en í mars/apríl.

Við Erla heimsóttum Ísland þann 1. febrúar og vorum í viku. Upphaflega ætlaði Erla að fara ein í brúðkaup Árnýar (vinkona hennar) og Jóhanns en vegna aðkallandi verkefnis í klakaboxinu var ég kallaður heim á sama tíma til að vinna. Ég fékk því að fara í brúðkaupið eftir allt saman sem heppnaðist alveg einstaklega vel. Verst var þó að ég missti af afmælinu hans ladda félaga sem varð einu skrefi nær þrítugu þann 2. febrúar.

Helgin sem leið var mjög viðburðarík. Á laugardeginum vaknaði ég snemma til að taka strætó upp í Gladsaxe þar sem fram fór árlegt innanhúsmót í fótbolta á vegum Icelandair. Þar var margt um manninn og yfir 10 lið sem tóku þátt. Það er skemmst frá því að segja að lið mitt Guðrún I (þau voru tvö liðin frá Guðrúnu) komst alla leið í úrslitaleikinn sem svo vannst eftir æsispennandi vítaspyrnukeppni við lið Silfurrefana (Kagså). Tilfinninginn við það að sjá síðasta boltann fara inn í netið og þannig tryggja okkur sigur var ólýsandi. Ekki var verra að vinna inneign hjá Icelandair að andvirði 20 þús. kr. heldur :)

Um kvöldið var blótið mikla á Nimbs í Tívolí. Íslendingafélagið stóð fyrir risa þorrablóti þar sem mikið af fólki var komið saman til að blóta í bak og fyrir. Allur matur var að sjálfsögðu innfluttur frá klakaboxinu Íslandi og var hægt að gæða sér á hangikjeti með uppstúf, hákarli, brennivíni, hrútspungum ofl. ásamt ekta íslensku lambakjeti.

Á sunnudeginum vöknuðum við svso óvenju snemma (þrátt fyrir þynnku) og mældum okkur mót við Runa og Heiðrúnu í dýragarðinum. Þau höfðu nefnilega haft Gugga Pop í næturpössun nóttina áður. Ekki verður maður svikinn af dýragarðinum því þar er alltaf nóg að sjá. Að vísu var "nýji" ísbjörnin ekki til tals sem mér þykir miður þar sem ég var farinn að hlakka til að bera hann augum í fyrsta skipti.

Vinnan gengur vel. Er búinn að eyða vikunni niðri í Amalieborg og er þar að vinna með Íslandsbanka teyminu í augnablikinu. Það er gott að komast út úr húsinu aðeins. Auðvelt að vera smá þunglyndur í versta skammdeginu :)

mánudagur, febrúar 06, 2006

Heilagt stríð!

Múhammeð var kynvillingur og trúleysingi. Sjálfur skeini ég mér Kóraninum og gef skít í Íslam.

þriðjudagur, janúar 24, 2006

Ömurlegasti dagur ársins!

Þá er James Blunt loksins búinn að gaula sitt síðasta og hundruðir Blunt aðdáenda streyma um stræti Peter Bangs Vej. Ég bý nefnilega við hliðina á KB hallen (á Íslandi væri það Laugardalshöllin) svo það fer ekkert fram hjá mér þegar það eru tónleikar í gangi. Það getur stundum verið pirrandi að heyra hlandölvaða danina hlaupandi um í leit að leigubíl heim og allt bílflautið sem fylgir (Danir eru crazy á bílflautunni!!) en ég læt það slide-a enda oft fín tónlist sem verið er að spila á þessum hljómleikum ... repect. Annars er þetta búið að vera frekar dapur dagur vinnulega séð, er eiginlega búinn að sitja og horfa á skjáinn í allan dag. Sennilega þunglyndi bara. Engin furða að þetta sé kallaður ömurlegasti dagur ársins af sumum ...

Góðu fréttirnar eru að á morgun verður pöntuð og borguð sólarlandarferð. Krít here I come!!

mánudagur, janúar 23, 2006

Sól og sumar hér kem ég

Á eftir ætlum við Erla að fara niður á Ráðhúspladdsen og henda okkur á eina sólarlandaferð. Við erum búin að liggja yfir bæklingum og vefsíðum í mánuð núna og kominn tími á að gera eitthvað í málunum. Það er þó eins og Danir upp til hópa fari ekkert til útlanda yfir sumarmánuðina. Allavega hefur maður fengið það á tilfinninguna þegar við höfum haft samband við ferðaskrifstofurnar, "Nei við fljúgum ekki þangað á sumrin" var oftast svarið. Hér eru vetrarferðir aðal söluvaran ...

Stefnan er sett á Spán eða Krít, spennandi verður að sjá hvað gerist seinnipartinn :)

Can I take your order?

Um helgina hringdi í mig kona sem var nokkuð í glasi. Talaði hún dönsku en sökum áfengisdrykkju var tal hennar frekar bjagað og óskiljanlegt. Það varð fljótt augljóst að þetta var engin kurteisishringing (er það reyndar sjaldan kl. að ganga miðnætti á laugardagskvöldum). Konan var semsagt að panta sér mat, kínverskan mat. Í stað þess að segja við konuna að hún væri að hringja í vitlaust númer ákvað ég fyrir kurteisissakir að taka fyrir hana pöntun. Það var nú samt eins og hún væri að hringja í mig útaf áfenginu frekar en matnum því hún pantaði 2 skammta af djúpsteyktum rækjum, 1 skammt af Chou-Main og 5 hvítvínsflöskur. Gaman að því.

miðvikudagur, janúar 18, 2006

Daglega rútínan

Daglega rútínan datt næstum í gang í morgun. Alveg frá því við félagarnir hættum að fara til Malmö að vinna hefur þetta verið svolítil óreyða. Þórunn og Erla báðar heima að læra og við vinnandi alla daga heima við. Eins og áður sagði (í eldri færslu) fékk ég aðstöðu hjá Íslandsbanka niður við Amalieborg og er stefnan sett á 3 daga í viku þar. Það hefur þó verið erfitt að byrja sökum matarboða og gestagangs undanfarna daga. Það varir þó bara út vikuna og tekur því við ný og spennandi vika nk. mánudag :)

mánudagur, janúar 16, 2006

Yðar hátign ...

Í dag gerðist svolítið merkilegt. Ég gekk á fund Margrétar Danadrottningar. Fékk aðstöðu í Amalieborg í gegnum Íslandsbanka sem er með skrifstofu þar. Aðstaðan hér er alveg gjörsamlega til fyrirmyndar. Ný uppgerð, borðin með svona hækki, lækki fídus, tölvur á hverju borði, ný kaffivél og matur í ísskápnum sem gætti fætt 10 manns í mánuð. Margrét, hvar ertu búin að vera allt mitt líf?

Metro maður

Eftir að við fjölskyldan fluttum til Kaupmannahafnar hef ég komist upp á lagið með að nota lestarkerfið hér í borg. Það er einstaklega þægilegt og það einfaldlega virkar. Auðvitað koma upp bilanir (eignlega allt of oft) en maður er tilbúinn að horfa fram hjá því því það er allt betra en að keyra bíl. Þegar maður var heima á Íslandi átti maður bíl, borgaði af honum skatta, klessti hann á 5-10 ára fresti og peningarnir gjörsamlega fuðruðu upp í bensín kostnað. Þessu þarf maður ekki lengur að hafa áyggjur af. Ég kaupi mér klippikort reglulega og hoppa upp í lestina þegar mér hentar (enda kemur hún á 10 mínútna fresti.)

föstudagur, janúar 13, 2006

Nokkrir punktar

· Keypti mér prentara í síðustu viku. Canon PIXMA MP450.
· Tengdó og konan hans að koma í dag.
· Djöfull er Arsenal búið að skíta upp á bak.
· Er búinn með 1/3 af GTA fyrir PSP.
· Hlutabréfin í Apple hækka og hækka.
· DV er sori.
· Þorrablót Íslendingafélagsins nálgast.
· Ég elska Danmörku.
· Rassgat.

þriðjudagur, janúar 10, 2006

"Nú, það er ekki eftir neinu að bíða ..."

"... en bíðum samt aðeins." (setning fengin að láni úr Áramótaskaupi Sjónvarpsins 1985)

Laddmundur hefur skotið á mig og í þetta skipti skaut hann neðarlega. Ég get ekki annað en komið með rosalega færslu, færslu sem á eftir að fá fólk til að klóra sér í hausnum og velta fyrir sér hvort maðurinn sé ekki bara mesti blogg snillingur vestan Elliðána. Færslu sem á eftir að fá gamla heimspekinga til að velta sér við í gröfinni.

.... en fyrst, ætla ég í sturtu.

miðvikudagur, desember 07, 2005

Ég man sko eftir Ladda!

Ég man eftir því þegar hann Þórhallur Helgason ætlaði að taka bloggheiminn með stormi ... "What happened to you man??"

miðvikudagur, nóvember 30, 2005

Allt er þegar tvennt er

Þá er afhendingu Vefverðlaunanna lokið. Þau fóru fram við hátíðlega athöfn í Iðnó í gær. Þar sem ég bý erlendis sá ég mér ekki fært að mæta á verðlaunin sem ég hefði betur gert því ég vann til tvennra verðlauna (þegar ég segi "ég" þá á ég auðvitað við mig og alla þá sem unnu með mér). Verðlaunin fékk ég fyrir vef Íslandsbanka, isb.is. Þau voru veitt fyrir besta fyrirtækjavefinn og besta útlit og viðmót. Mbl.is fékk svo verðlaun sem besti Íslenski vefurinn fyrir nýja leitarvél sína Embluna. Einnig fékk síða Skjásins verðlaun fyrir afþreyingu og vefur Árna hamstur fékk svo verðlaun fyrir besta einstaklingsvefinn. Það sem hefur þó varpað svörtum bletti á þessa annars ágætu hátíð er fólk sem finnur sig neytt til að fara af stað með samsæriskennigar, þessi þekkir þennan, sem þekkir þennan, sem er í dómnefnd. Það voru meðlimir í dómnefnd sem gátu ekki verið hlutlausir en varamenn voru fengnir til að taka þeirra stöðu ef upp komu hagsmunaárekstrar. Ég hef setið í þessari dómnefnd og get fullvissað alla um að hér fer fram heiðarleg og markviss kosning innan dómnefndar.

Ég læt þetta duga í bili. Ég ætla að njóta verðlaunanna, laus við alla neikvæðni og svartsýni sem virðist einkenna suma Íslendinga.

Lifið heil.

Murr me good

Fór á Mugision tónleika á föstudagskvöldið. Ég ætla ekkert að vera að skafa af hlutunum, maðurinn er snillingur! Við runi gerðumst svo danskir að við hjóluðum á tónleikana með aðra höndina á stýrinu og hina um ískalda bjórflösku. Mannmergðin var mikil þegar við gengum inn í reykmettann salinn á Mini Vega. Reykurinn vandist þó fljótlega og ekki leið á löngu þar til meistari Mugison steig á sviðið. Hann byrjaði kvöldið á ansi vafasömum nótum þegar hann byrjaði að tala um hvílíka skitu hann hefði verið með rétt áður en hann fór upp á svið. Að hans sögn veitti þó alltaf á gott að fá skitu rétt fyrir tónleika.

Þetta eru mínir fyrstu tónleikar með Mugison, ég hef aðeins hlustað á diskana hans en aldrei virkilega dottið í gírinn eins og svo margir mínir félagar (Eiki :)) En þarna stóð hann með gítarinn að vopni og einn lítinn soundsampler og maðurinn var eins og heil helvítis hljómsveit. Áður en varði var hann farinn að hamast á tækinu, blanda saman tónum, taka upp áhorfendur og mixa þessu saman í eitthvað sem aðeins má líkja við frumsamin hljóðljóð. Svona hélt hann áfram fram eftir kvöldi og meira að segja blindfullu danirnir sem stóðu fyrir aftan okkur og mösuðu fyrstu 20 mínúturnar af tónleikunum voru farnir að hlusta.

Eftir mikið lófaklapp og ósk um endurkomu á sviðið steig meistarinn aftur á stokk og tók þá lag sem er sennilega það eina sem ég get raulað með, lagið Murr Murr. Það fer ekkert á milli mála að Mugison er án efa eitt mesta efni okkar Íslendinga í dag, hands down.

fimmtudagur, nóvember 24, 2005

Mugison

Við runi ætlum að skella okkur á Mugison á morgun. Tónleikarnir verða að sjálfsögðu á Vega :)

þriðjudagur, nóvember 22, 2005

Lestarugl

Djöfull er ég orðinn þreyttur á þessum lestum hérna í Danmörku. Ekki lestunum sjálfum beint heldur þeirri staðreynd að þær eru alltaf í einhverju rugli, seinar eða bilaðar.

Þó er allt betra en að keyra bíl. Sakna þess ekki neitt :)

mánudagur, nóvember 21, 2005

Lömbin þagna

í gær buðum við runa og Heiðrúnu, Þórunni og Þórhalli heim í mat. Eldað var dýrindis íslenskt lambalæri sem tók alls 3 klukkutíma að matreiða. Boðið var upp á ekta íslenskar grænar baunir sem svo var skolað niður með ísköldu malti&appelsíni. Ekki laust við smá heimþrá um leið og maður renndi þessu öllu saman niður. Ekki nema tæpar 4 vikur í heimför samt ...

Annars var helgin nokkuð góð í heildina. Fórum í labbitúr á laugardeginum, það er svo fallegt vetrarveðrið hérna í Kaupmannahöfn, skítkalt en sól og blíða. Skellti mér svo með ladda "T-bone" í fótbolta í gær (sunnudag) og tókum við á því ásamt 8 öðrum Íslendingum í fúsbolta. Hefði viljað lúra örlítið lengur í morgun ...

þriðjudagur, nóvember 15, 2005

Helgin

Djöfull getur maður verið latur við að skrifa. Það nær engri átt. Anyway, fátt annað að gera en að redda því í hvelli með því að útlista hvernig síðustu dagar hafa liðið. Fór til Íslands með fjölskylduna í síðustu viku. Nokkra daga vinnuferð sem Erla og Guðjón Ingi ákváðu að nýta til að sækja fjölskylduna heim. Vinna á fimmtudeginum og fundarhöld allan föstudaginn, var orðinn frekar þreyttur. Vorum í góðu yfirlæti hjá Jóhanni og Hildi tengdó, enda ekki að búast við öðru. Fórum svo úr klakaboxinu á sunnudeginum, fegin að vera komin aftur heim í danska veðráttu aftur.

Þrátt fyrir slaka daga í mínu eigin bloggi hef ég verið að koma fjölskyldunni í bloggið á meðan. Setti nefnilega upp síðu sem gengur undir heitinu Akurgerði og eru flestir fjölskyldumeðlimir búnir að skrá sig og byrjaðir að blogga. Einstaklega gaman að geta fylgst með því hvað þau eru að gera á meðan maður er sjálfur erlendis. Kíkið endilega á það :)

Lestin á leiðinni, best að henda sér. Bæ í bili.

þriðjudagur, nóvember 08, 2005

Tussuleg helgi

Þá er helgin yfirstaðin. Var frekar tussuleg í þetta skiptið. Byrjaði helgina á því að liggja rúmliggjandi með magaverki eftir allt nammiátið á föstudagskvöldinu. Lág svo fyrir mest alla helgina með makakrampa og lystarleysi. Það var þó ánægjulegt að sjá Chelsea tapa sýnum fyrsta leik í deildinni og það á Old Trafford. Nú er bara að vona að þeir taki flugið ... beint niður. Nú er maður allur að koma til og hlakkar mikið til komandi viku, enda mikið að gerast ... :)

föstudagur, nóvember 04, 2005

Danskar köngulær

Hvar annarstaðar en í Danmörku er maður að labba úti á miðri götu og allt í einu flækist maður í köngulóavef? Þær eru bókstaflega allstaðar ...