Gleðileg jól

Vildi óska öllum vinum og velunnurum gleðilegra jóla og farsældar á komandi ári. Þakka góðar bloggfærslur á árinu sem er að líða.

Hér er svo mynd af jólagjöfunum þetta árið.

Dressman bunir ad yngja upp

Nytt merki - sömu fötin

Byggja leikvoll i bakgardinum

Byrjudu i gaer!

Sko mig!

Valinn maður ársins hjá tímaritinu Time! :)

Til hamingju!

LEGO fedgar

Ég og verdandi arkitekt sonur minn.

Dagurinn í gær...

7.30 Vakna
8.30 Hjóla í vinnuna
12.00 Hádegismatur
13.00 Vinna
16.30 Hjóla til að sækja Guðjón Inga
19.30 Erla kemur heim úr skólanum
20.30 Vinna meira + kaffi
3.00 Sofa

Er það furða að maður hafi lítinn tíma í annað en vinnu ...

Eiki i rugli

Lokahóf i boltanum

Vel tekid á thvi

Mikið að gera ...

Ég skil ekki þessa þörf hjá fyrirtækjum að drekkja sér í vinnu og verkefnum á þessum tíma árs. Ég man varla jól/áramót þar sem ég hef ekki verið upp fyrir haus í verkefnum. Ef ég fengi að ráða þá snérist desember um afslöppun og ekkert annað.

Ég fann semsagt hjólið mitt aftur, þvílík tilviljun. Ég var á leið úr klippingu á þriðjudag á hjólinu hennar Erlu og ákvað að fara Finsensvej (gatan sem liggur samhliða minni götu) heim. Þegar ég er búinn að hjóla þá götu í nokkrar mínútur sé ég undan mér gult hjól hinumegin við götuna. Ég leit auðvitað við og snar hemlaði. Þarna var hjól alveg eins og ég hafði átt, gat þetta virkilega verið það? Ég fór yfir götuna og viti menn, þarna var gripurinn, læstur og allt.

Við félagarnir fórum á tölvusýningu um helgina. Það var greinilegt að við vorum ekki alveg að passa inn í hópinn þegar við komum þangað inn, því í fyrsta lagi vorum við yfir tvítugt, við vorum ekki með sítt, fitugt hár og ekki vorum við með bakboka á bakinu fullan af gefins drasli. Þetta var þó ágætis sýning, fengum þefinn af nýjust leikjatölvunum og ég fékk meira segja að leika mér í nýja Windows Vista (þvílíkt frat sem það er). Við Björginv boxuðum í nýju Nintendo leikjavélinni og auk þess spiluðum við laddi Arsenal vs. United í þægilegum beanbags. United fór með sigur af hólmi 1-0 (eitthvað sem hefði aldrei gerst í raunveruleikanum!).

Best að snúa sér aftur að vinnunni. Bæ í bili.

SMS+hash

Danir eru svo slakir i gatinu...

Ég fann hjólid mitt! :-D

Röðin í PS3

Mikill hamagangur var fyrir utan PlayStation 3 tjaldið ...

Wii

Vid Björgvin ad boxa!

D3 ad byrja!!

Við Laddi og Björgvin erum staddir á D3 Game Expo í Copenhagen :-D

Hvíta perlan

Fékk mér nýjan síma í gær ... þvílík fegurð! Að því tilefni ákvað ég að skipta yfir í 3 sem er þriðju kynslóðar símafyrirtæki.

Reiðisblogg að hætti Sindra Eldon

Djöfulsins Danirnir stálu hjólinu mínu í nótt, öðru sinni síðan ég flutti hingað út fyrir rúmlega ári.

Þessar helvítis þurrkunntur geta augljóslega ekki látið neitt í friði og stela öllu steini léttara. Hvernig geta þessir þjófa anskotar lifað með sjálfum sér?!

Til að gera langa sögu stutta kom ég heim í gær (hjólandi að sjálfsögðu, því þá átti ég hjól!) í ausandi rigningu. Þórhallur hafði lánað mér Playstation tölvuna sína sem ég hélt á í annari hendinni. Auk hennar var ég með fartölvutöskuna mína á bakinu svo ég var orðinn vel klyfjaður. Til að gera hlutina enn flóknari var ég í sokkunum einum á leiðinni heim, en það er enn lengri saga að segja frá því.

Í öllum hamaganginum virðist ég hafa gleymt að læsa helvítis hjólinu og þegar ég kom út í morgun var það horfið. Þessir fávitar hafa greinilega enga samvisku og fara úr leið til að gera líf annara jafn vesælt og sitt eigið. Ef ég næ einhverntíma í skottið á þjóf þá verð ég ekki ábyrgur gjörða minna.

Það versta við það að láta stela hjólinu sínu þegar maður býr í Kaupmannahöfn er að það er verið að skera undan þér fæturna. Hér kemst maður hægt áfram ef ekkert hjól er við hendina og neyðist ég nú til að taka strætó í vinnuna þangað til að ég finn aftur hjólið eða fjárfesti í öðru.

Afhverju ætti samviskan að naga mig ef mig langar að stela öðru hjóli í staðinn? Ég meina, það er núna búið að stela tveim hjólum af mér. Á ég bara að halla mér aftur og þakka Drottni? Hell no, ég ætla að skera fæturna undan einni saklausri þurrkunntu í þessari borg, þótt það verði það síðasta sem ég geri. Give them a taste of their own medicine - eins og einhver sagði.

Kaupmannahöfn skal sko fá að finna fyrir reiði Íslendings!

Lesið meira reiðisblogg á síðu Sindra Eldon

Ellimerki

Fyrir mér hefur aldur alltaf verið afskaplega afstæður. Á meðan fólk er að hafa áhyggjur af ellini allt í kringum mig horfi ég bara fram á vegin og hlakka til að eldast. Það ætti í raun ekkert að skipta máli hvað við erum gömul, við eldumst ekkert hægar ef við höfum alltaf áhyggjur. Eins og með gott rauðvín þá verðum við bara betri með aldrinum, fáguð, þroskuð og bragðmikil.

Undanfarið finnst mér samt eins og tíminn líði skuggalega hratt. Nú veit ég ekki hvort þetta séu einhver merki um elli en dagarnir bara fjúka frá manni. Ég man þegar ég var yngri, á þessum skemmtilegu grunnskólaárum, já eða í framhaldsskóla þá kom mánudagur og maður gat ekki beðið eftir að það kæmi helgi aftur. Mikið afskaplega gat þetta liðið hægt stundum. Fara í tíma, fara í bíó, heimavinna, alltaf nóg að gera. Þegar svo loks kom föstudagur aftur var maður alltaf jafn ánægður. Þá átti sko að sletta úr klaufunum.

Í dag geri ég næstum engan mun á dögunum í vikunni. Dagskráin er oftast sú sama. Það er vakning, það er vinna, það er heimkoma, kvöldmatur og smá yfirvinna. Svona líða dagarnir í vikunni og þegar kemur föstudagur aftur finnst mér eins og vikan hafi ný verið að byrja. Tilhlökkunin er bara ekki sú sama.

Nú legg ég þetta bara undir dóm hinna eldri, eru þetta eintóm ellimerki eða er ég kannski hræddur við ellina eftir allt saman?

Vefsíða tapaðist - fundarlaun í boði

Ok ... ég finn semsagt ekki eina vefsíðu sem ég hélt mjög mikið upp á. Nafnið á henni er algjörlega dottið úr mér enginn kannast við hana þegar ég spyr.

Þetta er síða með allskonar "tutorials." Þarna er líka hægt að læra tungumál, læra á stýrikerfi, kynna sér forritun og allan fjandann. Flest þarf maður að borga fyrir en margt er hægt að sækja að kostnaðarlausu.

Eina sem ég man að merkið var kona að lesa bók (minnir að það hafi verið svart á gult - sjá mynd :P) og nafnið á síðunni var konu nafn, lydia.com eða linda.com eða eitthvað þannig.

Ef einhver hefur hugmynd um hvað ég er að tala þá má sá hinn sami hafa samband við mig eins og skot ...

Slatta ruslpóstur

Ég gleymdi alltaf að post-a þessari mynd eftir að við komum frá New York. Þegar ég ætlaði að opna hurðina eftir 2 vikna fjarveru þurfti ég að taka verulega á hurðinni til að komast inn þökk sé öllum ruslpóstinum sem hafði hrannast upp á meðan við vorum í útlandinu.

P.S Það skal tekið fram að félagi minn hafði komið einusinni áður og tæmt póstinn :)

Wii vs. the rest

Nú keppast allir risarnir við að framleiða nýjustu og bestu leikjavélina. Microsoft eru þegar búnir að leggja sitt af mörkunum með Xbox 360 og Sony ætlar að draga lappirnar fram í desember og gefa sína vél, PlayStation 3 fyrir Kína/Japan og Bandaríkjamarkað.

Það yrði kaldur dagur í helvíti ef ég mundi einhverntíma kaupa mér Microsoft vöru svo ég hef horft nokkuð stíft á vörur Sony. Sjálfur á ég Sony PSP og líkar mjög vel.

Síðustu daga hefur þó önnur leikjavél bankað upp á hjá mér og er framleiðandi hennar enginn nýgræðingur. Þetta er leikjavélin Wii frá Nintendo. Það skemmtilega við Nintendo Wii vélina er að þarna er verið að prufa eitthvað nýtt í leikjagerð. Með nýrri fjarstýringu er hægt að draga notandann inn í leikina og leyfa honum að taka þátt með því að draga sig upp úr sófanum. Hinar leikjavélarnar fara þessa hefðbundnu leið og gera útlitið flott og leikina enn flottari en einhverntíma verður það þreytt og á þá fólk eftir að þyrpast að nýju vélinni fá Nintendo.

Á þessari síðu er hægt að horfa á myndskeið af fólki skemmta sér konunglega með fjarstýringuna.

Búinn að bæta þessu við á óskalistann minn á Amazon :)

Ég er ekki dauður

Nei, þvert í frá. Það er mikið búið að ganga á síðustu vikur og daga og því hefur ekki gefist mikill tími til skrifa.

Eins og frægt er orðið fórum við Erla í pílagrímsferð til Nýju Jórvíkur í byrjun október. Ég held að mér sé óhætt að segja að þangað verður farið aftur einhvern daginn. Við áttum svo 3 daga á Íslandi sem áttu að fara í vinnu og frágang á hinu og þessu. Á miðvikudeginum fór ég að finna til í olnboganum og ákvað að fara niður á slysó snemma á fimmtudeginum. Þá var olnboginn orðinn vel út þaninn og ákvað læknirinn (eftir 2 klst. bið á biðstofunni) að stinga í þetta þrisvar sinnum með nál. Ekki bar það þó tilætlaðan árangur og ákvað hann því að vefja þessu öllu inn í þykkar umbúðir og setja mig á sýklalyf.

Seinna um daginn fékk ég svo hita og lá fyrir allan næsta dag, drullu slappur með bólginn olnboga. Svona ætlaði ég ekki að eyða dögunum á Íslandi. Á föstudeginum var ég eitthvað að hressast og fórum við fjölskylan í stór afmæli hjá Ástþóri afa hennar Erlu. Þar var auðvitað margt um manninn, mikið hlegið og mikið talað. Runi kom alla leið frá Danmörku sem leynigestur við mikinn fögnuð fjölskyldu og vina.

Kvöldinu (og nóttinni) eyddi ég svo uppi á slysó aftur þar sem ég var settur á sýklalyf í æð. Lækninum fannst bólgan ekkert hafa minnkað og taldi lyfin ekki hafa borið tilskyldan árangur. Þetta þurfti ég svo að endurtaka daginn eftir áður en við fórum í flug heim til Danmerkur.

Ef ég tek saman alla klukkutímana sem ég þurfti að bíða niðri á slysó þá hafa þeir verið uþb. 8. Magnað það.

New York - Wrap Up

Síðasti dagurinn fór í að henda öllu í tösku og gera allt klárt fyrir kvöldflugið sem beið okkar. Eftir létt morgunpakk var haldið út í góða veðrið og tókum við stefnuna á Chinatown. Löbbuðum þar í gegn og versluðum nokkra trefla og Pashmínur. Þaðan var haldið upp í upbeat hverfi Greenwitch Village þar sem margt er að sjá. Við löbbuðum upp Bleeker street sem hefur að geyma allskonar búðir, allt frá Ralf Lauren til ostabúðarinnar sem selur uþb. 300 osta í það heila. Halli sinn hafði sagt mér frá bakarí í götunni sem heitir Magnolia Bakery og gerir bestu Cupcakes í heimi. Auðvitað keyptum við Erla okkur sitthvora kökuna og átum með bestu list.

Við vorum ekki búin að fara niður að Washington merkinu (The Arch) og ákváðum að labba þar framhjá og taka mynd. Þar var hinsvegar verið að taka upp nýja mynd Will Smith I am Legend og erfitt að var að ganga um án þess að sviðsfólk væri að fæla mann frá. Áfram héldum við niður á við og enduðum aftur á Broadway. Þar keypti ég mér þrífót fyrir nýju myndavélina og Erla kíkti í síðustu búðirnar áður en haldið var aftur heim í íbúð.

Það gekk vel að pakka (þótt svo við hefðum þurft að fjárfesta í nýrri íþróttatösku fyrir allt draslið sem við keyptum) og vorum við komin upp í leigubíl á leið út á flugvöll nokkuð tímanlega (þrátt fyrir umferð). Allt gekk eins og í sögu uppi á JFK flugvelli og gekk flugið líka eins og í sögu. Við vorum meira að segja 20 mínútum á undan áætlun þegar við lentum kl. 5.50 í morgun (miðvikudag). Heim var heldið til Hildar tengdó og þar lögðum við okkur aðeins áður en við fórum niður á Reykjavíkurflugvöll að sækja Guðjón Inga sem hafði verið hjá afa sínum og ömmu á Egilstöðum.

Ég á mjög líklega eftir að skrifa betri ferðasögu um þessa frábæru ferð þegar tími gefst :)

NY - Dagur 5 og 6

Það reyndist örlítið erfiðara en ég hélt í fyrstu að halda úti daglegu bloggi um ferðina til New York. Á milli þess sem maður labbaði, verslaði og skoðaði þá var sofið.

Það var þó á engan hátt slakað á síðustu tvo dagana í borg dauðans. Sunnudagurinn hófst í MoMA safninu sem einnig mætti kalla Nýlistasafnið. Þar skoðuðum við verk ekki minni manna en Picasso, Salvador Dali og Andy Warhol. Þaðan tókum við túrista rútu og rúntuðum um bæinn og enduðum niðri í miðbæ þar sem við hoppuðum út og virtum fyrir okkur Ground Zero (þar sem Tvíburaturnarnir voru áður). Þar fengum við tækifæri til að sjá ljósmyndir frá þessum örlagaríka degi í september. Myndirnar voru mjög lýsandi fyrir það sem gekk á þennan dag og greinilegt að sumt fólk tók þetta mikið til sín og sumir áttu erfitt með að halda aftur tárunum.

Þaðan var haldið upp Broadway þar sem við höfðum orðið okkur út um miða á söngleikinn .http://www.blogger.com/img/gl.link.gif Fengum frábær sæti á þessa fínu sýningu og var mjög gaman að geta farið á "Broadway Musical" á meðan við vorum stödd í New York. Eftir sýninguna löbbuðum við um Times Square og tók ég þar ma. þessa mynd sem mér fannst heppnast vel :)

Síðasti heili dagurinn okkar fór svo í labbitúr um Litlu Ítalíu og Kínabæ. Þvílík geðveiki sem sá bæjarhluti er. Mér fannst þetta alveg magnað andrúmsloft þar. Eins og sönnum Íslendingum sæmir eltum við einn kauða inn í búð þar sem hann opnaði leynihurð og leiddi okkur inn í lítið 10 fermetra herbergi fullt af Prada, Louis Vuitton og Gucci töskum upp um alla veggi. Erla keypti sér fallega Prada tösku og kostaði hún aðeins 25$ sem er auðvitað bara grín. Áfram héldum við upp Canal Street (aðal tösku gatan) þar til við komum að Broadway (ein stærsta verslunargatan) og hófum síðari verslunardaginn. Þessi verslunardagur var þó í styttra lagi þar sem við áttum pantað borð á flottum veitingastað um kvöldið, Asia De Cuba og okkur langaði heim að hvíla okkur aðeins. Við dressuðum okkur upp í okkar fínasta púss og tókum leigubíl á veitingastaðinn. Þessi staður var frábær í alla staði og virkilega kósý :)

Eftir matinn fórum við svo aftur heim og horfum á Studio 60 (nýja uppáhalds þáttinn okkar). Morgundagurinn var aðeins nokkra klukkutíma í burtu með tilheyrandi tösku pakki og flugi heim.

NY - Dagur 4

Fjórði dagurinn snérist um menningu. Hófst dagurinn í margfræga American Museum of Natural History (safnið sem Ross í Friends starfaði ma. í). Þar voru risaeðlur og uppstoppuð dýr auk þess sem við sáum frábæra sýningu, Cosmic Collition í boði Robert Redford. Við sátum innan í stórum bíó sal sem var í laginu eins og kúla og þegar maður hallaði sér aftur þá blasti við manni himininn.

Þegar við komum út af safninu blasti við okkur Central Park í allri sinni dýrð. Stærðin á þessum garði er ótrúleg. Ég las einhverstaðar að hann væri tvisvar sinnum stærð Monaco! Þar löbbuðum við um og virtum fyrir okkur alla hlauparana og joggarana sem voru að nýta sér góða veðrið til útiveru. Eftir góðan labbitúr vorum við komin að mínu uppáhalds safni, Guggenheim. Þar var sýning á verkum Zaha Hadid. Við löbbuðum upp spíralinn sem gerir þessa byggingu svo einstaka og nokkuð reglulega kíkti ég yfir handriðið til að sjá alla leið niður á botninn.

Næst þrömmuðum við niður 5th avenue. Framhjá öllum flottu íbúðabyggingunum sem hafa fancy dyravörð í anddyrinu sem segja "Good morning sir, can I get you a taxi?" Ekki ódýrt að eiga íbúð þarna, það get ég sagt ykkur. Við löbbuðum dágóða stund áður en við lentum á öllum verslununum. Auðvitað kíktum við inn í nýju Apple verslunina (stóra glerkubbinn) ásamt því að kíkja í Nike búðina, Tiffany's, Louis Vuitton og Barneys. Ótrúlega flottar búðir þarna sem eru ekkert að hafa fyrir því að verðmerkja hlutina ...

Þar næst kíktum við á Trump Towers og fengum okkur kaffi á Starbucks. Áfram var göngunni haldið niður 5th avenue og skoðuðum við Rockefeller Center þar sem NBC studios eru með búð. Þegar við svo komum að MoMA (Museum of Modern Art) safninu sem átti að vera síðasti dagskrárliðurinn þennan daginn var búið að loka. Því var haldið heim á leið og stoppað á Two Cups til að fá sér góða pizzu.

Það væri gaman að fá að vita hve marga kílómetra við löbbuðum þennan daginn ... :)

Nýjar myndir frá New York ...

Settum inn nokkrar myndir úr ferðinni :)

NY - Dagur 3

Þriðji dagurinn okkar í New York snérist aðeins um eitt og voru það innkaup.

Við fórum frá íbúðinni og tókum stefnuna á Soho (South of Houston). Þar er mikil verslunarmenning og vilja heimamenn meina að þetta ágæta hverfi sé orðin ein stór verslunarmiðstöð. Við Erla byrjuðum á að labba niður Lafayette götu þar sem slatti af flottum hönnuðum eru með búðir. Þar er td. Brooklyn Industries og WESC (takk Egill). Keypti mér bol og tösku í B.I og erla keypti sér topp í WESC. G·STAR létum við vera enda kostuðu gallabuxurnar þar heila 160$! Áfram hélt leið niður Lafayette og fengum við okkur brunch á kaffihúsi í Soho. Þaðan löbbuðum við svo yfir á aðal verslunargötuna, Broadway. Við fikruðum okkur niður Broadway með því að fara í eina búð í einu. Eftir langan dag með ótal innkaupapoka tókum við Erla þá dramatísku ákvörðun að labba heim með allt draslið, sem og við gerðum. Við erum svo miklar hetjur ...

NY - Dagur 2

Það er mikið búið að ganga á í dag hjá okkur Erlu. Við rifum okkur upp snemma og skelltum okkur í ískalda, vatnslausa New York sturtu. Hressandi ...

Ákváðum að labba bara af stað og sjá hvar við enduðum. Við löbbuðum um East Village og upp á Broadway þar sem nóg var að skoða. Þaðan löbbuðum við áleiðis upp Broadway og skoðuðum Union Square og Madison Sq. Park. Fyrsti áfangastaður var uppi í Garmen hverfinu, B&H photo video búðin sem svo margir Íslendingar kannast við. Þvílík búð. Ef ég vissi ekki betur þá hefði ég haldið að þarna væri í gangi brunaútsala, þvílíkur var hamagangurinn. Ég keypti mér nýja myndavél og fína linsu. Ég fékk aðstoð hjá ágætum dreng sem heitir David. Ég vill meina að hann hafi verið eini gaurinn í búðinni sem ekki var gyðingur!

Þaðan lá leiðin niður Sjöunda avenue (aka. Fashion ave.) og fengum við okkur snæðing á fínum stað sem heitir Metro Café. Löbbuðum svo lengra þangað til við duttum niður á Times Square. Ég snérist bara í hringi þegar ég sá alla dýrðina. Ljósaskilti, auglýsingar, umferð, háhýsi, fólk allstaðar. Þetta var mjög sérstök upplifun. Við kíktum í Toys'R Us sem er álíka stór og meðal verslunarmiðstöð með leikföngum frá A til Ö. Við kíktum í nokkrar búðir þarna í nágrenninu ásamt því að kíkja í Madame Tussaud's safnið. Þar chilluðum við Nicolas Cage, John Travolta og George Bush.

Eitthvað var þreytan farin að segja til sín svo við skelltum okkur niður í Metro og ákváðum að láta reyna á þann samskiptamáta þar sem umferðin var mikil og leigubíll kannski ekki besta leiðin. Eitthvað höfum við lært af búsetu okkar í Danmörku því við hittum beint í mark og vorum komin á áfangastað eftir tæplega hálftíma. Tókum þetta lestarkerfi í nösina ...

Lögðum okkur í klukkutíma og héldum svo áleiðis í fínan kvöldverð á veitingastað hérna hinumegin við götuna. Ótrúlega þægilegur ítalskur veitingastaður með "live" tónlist. Fengum okkur pasta og Rioja rauðvín. Eftir fínann dinner tókum við leigubíl að Empire State. Við ætluðum að skoða alla ljósadýrðina þaðan. Þar sem við vorum svo seint á ferðinni var engin biðröð og vorum við komin upp í turninn á 5 mínútum. Við keyptum okkur CityPass og fengum frítt audio tæki til að hlusta á á meðan við vorum á útsýnispallinum. Röltum svo aftur niður í rólegheitum og tókum leigubíl heim. Fínn dagur.

New York New York

Þá erum við Erla loksins lent. The Big Apple eins og þeir kalla það, borgin sem aldrei sefur. Þetta er mikið menningarsjokk þegar komið er inn í Bandaríkin. Varla búinn að vera á Bandarískri grundu í 5 mínútur þegar einhver blökkumaður var farinn að taka fingraförin okkar Erlu og mynd.

Flugið gekk annars vel, horfði á Breakup sem var ágæt. Við vorum líka fyrst úr vélinni sem þýddi stutta bið í útlendingaeftirlitinu og tollinum. Það var svo traffík á leiðinni inn á Manhattan svo við vorum ekki komin hingað fyrr en að ganga 1 eftir miðnætti (okkar tíma). Íbúðin er æðislega "ömmuleg" og er í eigu dóttir fósturafa hans laddmundar. Við fórum aðeins á stúfana fyrsta kvöldið okkar í New York og keyptum helstu hlutina, vatn, mjólk og annað. Nú erum við búin að kúra í nokkra tíma og tími til kominn að heilsa borginni í dagsbirtu. Við stefnum á Empire State Building eða jafnvel bara í miðbæinn.

Jonni. Signing out from the Big Apple.

Bloggað úr klakaboxinu

Þá er maður kominn heim til Íslands ..... aftur. Það er næstum eins og ég geti ekki verið þrjá mánuði í Danmörku án þess að þurfa að ferðast til Íslands.

Allavega. Við ferðuðumst með Icelandair í þetta skiptið sem var í góðu lagi þar til við settumst inn í vélina. Vélin átti að fara í loftið 19.45 að staðartíma en vegna hóps Japana sem hafði komið með seinu tengiflugi urðum við að bíða í sjóðani hita í þrjú korter áður en vélin var komin í loftið. Guðjón Ingi svaf svo ekkert í vélinni en var þó hinn kátasti. Það gleðilega var að ég sat fyrir aftan mann sem ég hef mikið álit á og er það fyrrverandi borgarstjóri okkar Reykvíkinga hann Þórólfur Árnason. Það er einhver karismi sem þessi maður, útgeislun og góður persónuleiki sem hann býr yfir. Röddin í honum gæti svæft risa. Ég virðist ferðast með frægum Íslendingum því Össur (nr. 2) var í flugvélinni líka, þótt hann væri ögn tuskulegri út að líta en Þórólfur.

Þegar við komum inn í Leifsstöð fór Erla og náði í tollinn á meðan ég sá um farangurinn. Þegar Erla kom út úr tollinum aftur stóð ég ennþá að bíða eftir töskunum ásamt öðru fólki. Okkur (0g öllum hinum farþögunum) til lítillar ánægju slökknaði að lokum á færibandinu og ljóst var að engar töskur áttu eftir að bætast við. Icelandair hafði semsagt tekist að týna 60 töskum úr fluginu og urðu óheppnir farþegar að mynda röð sem þurfti að fylla út slatta af pappírsvinnu í þríriti. Konan tjáði mér svo að ég þyrfti að sækja töskurnar daginn eftir niður á BSÍ. Fáránleg þjónusta hjá þessu flugfélagi. Á endanum fórum við tvær ferðir niður á BSÍ og eina í Leifstöð áður en við fengum allan farangurinn okkar aftur (3 töskur). Næst flýg ég með Iceland Express ...

Á laugardeginum fórum við Sólarsala fjölskyldan út að borða. Ákváðum að prufa nýjan stað á Frakkarstígnum sem heitir Indian Mango. Við fengum að bragða á hinum ýmsu réttum og bragðaðist allt ótrúlega vel. Eftir að foreldrarnir höfðu farið heim í háttinn með krakkana löbbuðum við Erla ásamt systur Erlu, Elvu og kærasta hennar Magga niður Laugarveginn á pöbbarölt. Enduðum svo í góðu grilli með Gulla félaga inni á Kaffibarnum. Þar voru nokkrir bjórar drukknir auk þess sem mikið geirvörtuklíping fór fram.

Á sunnudeginum var svo skundað á Devitos í þynnkumat og var einni 16" skolað niður með ísköldu coke í dós til að slá á þynnkuna sem var ólýsanlega óbærileg þetta skiptið. Seinna um daginn fór ég svo í innibolta með strákunum og var tekið vel á því enda þessi drengir ekki þekktir fyrir annað.

Kvöldið fór svo í íslenskt lambalæri hjá tengdó. Fín helgi, fínni matur, frábær félagsskapur. Takk fyrir mig.

Eftir viku ...

... stend ég með hinum túristunum á Times Square með myndavél í annari og Starbucks Creame Vanilla Latte Light í hinni mmmmmmmmm.

Rónar

Í Kaupmannahöfn búa rónar. Það mætti jafnvel ganga svo langt og segja að Kaupmannahöfn sé "rónaborg." Heima á fróni er flott að vera róni, þú færð flott götunafn eins og Lalli Johns eða Hringur og ef þú ert heppinn þá kemuru í Séð og Heyrt afþví þú fannst gamlan leðurjakka á haugunum.

Hér eru rónar ómerkilegir. Þeir hanga á sérmerktum stöðum og drekka öl í gleri á milli þess sem þeir betla fyrir mat og selja "rónablaðið" svokallaða (blað um heimilislausa). Það hefur kannski einhverntíma þótt inn að vera róni í Kaupmannahöfn (Íslandsklukkan?) en í dag er þessi starfsgrein, eins og svo margar að fyllast að erlendu vinnuafli, þá á ég við Grænlendinga. Nú eru til heilu rónafjölskyldurnar hangandi á torgunum með kassa og innkaupakörfur. Það er örugglega allt betra en að búa í snjóhúsi í Nuuk ...

Síðustu vikur hef ég þó séð nýja tegund róna ríða sér til rúms í borginni. Að vísu hef ég bara séð tvo og eru þeir báðir kvennkyns en samkvæmt skilgreiningunni "betl" þá eru þær rónar. Aðra stelpuna hef ég séð tvisvar á skyndibitastöðum borgarinnar og gengur hún á milli borða með lítinn miða sem búið er að hripa eitthvað á. Kannski vill hún bara passa börn en ég vill meina að hún sé róni.

Hina stelpuna sá ég fyrir framan matvöruverlsun í gær. Hún sat á stéttinni, ósköp sæt og snyrtileg. Hún var með sítt brúnt hár og í gallabuxum. Hún hélt á skilti sem á stóð "Hjálp, ég er svöng." Ég labbaði framhjá henni og velti fyrir mér hvort þetta væri eitthvað gabb. Kannski er að koma til stéttaskipting á meðal róna? Ég þarf að kanna þetta betur ...

Kengúra, Christania og mark frá miðju

Þá hefur þessi ágæta helgi runnið sitt skeið og hefur vægast sagt verið stíf dagská síðustu daga. Á föstudeginum var haldið, ásamt pabba hennar Erlu og konu hans á Reef'n Beef þar sem ég fékk tækifæri á að smakka Emúa og Kengúru. Svolítið spes kjöt að sjálfsögðu en mjög gott engu að síður. Í eftirrétt var svo "Death by Chocolate" eins og það heitir á matseðlinum ásamt glasi af Camus Extra og heitu kaffi. Ég stóð svo varla í lappirnar þegar við löbbuðum út af staðnum, svo mikið var étið!

Á laugardeginum fórum við svo í túristaferð niður í Christaníu (sjá inngang á mynd). Ég hafði aldrei komið þangað áður og var svolítið spenntur að sjá þetta umtalaða hverfi í Kaupmannahöfn. Við löbbuðum þarna um og skoðuðum varning sem var til sölu, kíktum á mannlífið þarna og settumst niður í einn öl. Bara allt í allt nokkuð skemmtilegur leiðangur. Eftir Christaníu var haldið niður í bæ þar sem við tókum púlsinn á mannlífinu áður en við löbbuðum upp Strikið og tókum strætó heim. Guðjón Ingi var svo í næturpössun hjá afa sínum og ömmu á hótelinu um kvöldið og við konan fórum í matarboð með Runa og Heiðrúnu hjá Herr Laddmundi og konu hans Þórunni. Aldeilis fínn matur sem þau hjónin höfðu eldað og átu allir á sig gat (að sjálfsögðu). Eitthvað var nú Christaníu gangan farin að segja til sín því ég dottaði aðeins eftir matinn.

Sunnudagurinn byrjaði með látum. Fótboltaleikur í deildinni við lið De Grønne Bude. Það var varla liðin mínúta þegar ég hamra boltann af miðjunni og beint í lappirnar á Oddi ofurframherja sem var ekki lengi að nýta sér þetta færi og setti hann í netið, eitt núll fyrir okkar lið. Eitthvað urðu þeir nú pirraðir við þetta og sótti lið De Grønne látlaust fram að hálfleik og skoruðu eitt mark undir lokin og var því jafnt í hálfleik. Við byrjuðum seinni hálfleikinn þannig að Oddur tók við boltanum á miðjunni og flengdi hann í átt að markinu. Markmaðurinn hafði staðið of framarlega, auk þess sem hann var með sólina í augun og okkur til mikillar gleði endaði boltinn í netinu, ótrúlegt mark og við vorum komnir aftur yfir. Seinni hálfleikur var okkur meira að skapi og náðum við tökum á leiknum nokkuð örugglega. Ég átti meðal annars skalla í stöng og nokkur dauðafæri fóru fyrir ekkert. Við bættum svo við einu marki undir lokin og sanngjarn (en skrítinn!) sigur F.C Ísland staðreynd.

Nú eru tengdó farin í stóru flugvélina og á leið heim. Erla var að setja ljúffenga hænu í ofninn og verður hún snædd eftir 40 mín ca. Þá ætti þynnkan síðan í morgun loksins að renna úr manni :)

Helgar update

Var að ljúka við að horfa á heimildamyndina "I Am A Sex Addict." Hér er á ferðinni einstaklega opin og hreinskilin kvikmynd um kynlífs- og hórufíkn leikstjórans Caveh Zahedi og hvernig hann glímir við brenglaða ímynd sína á kvennfólki.

Þessi mynd var reyndar ein af tveim heimildamyndum sem ég horfði á um helgina. Hin myndin sem ég horfði á var af allt öðrum toga og fjallar hún um atburðina sem gerðust 911. Loose Change 2nd edition er fyrsta mynd Dylan Avery um hryðjuverkaárásirnar á World Trade Center. Við áhorf myndarinnar situr maður eiginlega agndofa með kjamman niður á gólf og veltir fyrir sér hvað í ósköpunum gerðist þennan dag. Dylan hefur grafið upp aragrúa sönnunargagna sem styðjast við kenningu hans um að árásin á Tvíburaturnana og Pentagon hafi verið skipulögð af ríkisstjórn Bandaríkjanna.

Annars var helgin nokkuð bærileg. Þurfti að gefa eftir sæti mitt í deildarleiknum um helgina þar sem ég var búinn að lofa fjölskyldunni að fara í BonBon Land á laugardeginum. Það reyndist bara hin ágætasta skemmtun og voru flest öll tækin prufuð að sjálfsögðu.

Þegar maður mætti svo á barinn á sunnudeginum til að horfa á stórleik helgarinnar á milli Man Utd. og Arsenal þá fékk maður það auðvitað óþvegið. Það er nefnilega óskrifuð regla hjá strákum sem halda hópinn að ef maður lætur fjölskylduna ganga fyrir þá er maður "woooped." En ég tók því eins og maður og fékk meira að segja að troða því aftur ofan í þá því Arsenal vann United á heimavelli þeirra Old Trafford og ég (eini Arsenal maðurinn) hoppaði hæð mína að sjálfsögðu. Síðustu tvö skipti sem Arsenal hefur unnið United á heimavelli þá hafa þeir tekið bæði deild og bikar. Hvað gerist í ár? :)

Svo er maður bara farinn að telja niður í New York ferðina ... úfff get varla beðið!

The Big Apple

Þá fer óðum að styttast í ferð okkar til New York. Ég er orðinn hálf stressaður þar sem ég fékk það starf að skipuleggja ferðina. Það er svo ótrúlega mikið hægt að skoða í New York og ég er hræddur um að maður missi af helmingnum. Látið mig endilega vita ef það vantar eitthvað á þennan lista.

1. Empire State building
2. Guggenheim safnið
3. American Museum of Natural History
4. Statue of Liberty
5. Apple Store
6. Grand Central Station
7. World Trade Center Monument
8. 5th avenue
9. Central Park
10. Brooklin Bridge
11. Times Square
12. Rockefeller Center
13. Museum of Modern Art
14. Washington Square
    
15. Soho
16. Chinatown
17. Little Italy
    

Long time

Langt síðan ég bloggaði síðast, eiginlega allt of langt síðan. Best að punkta niður það sem hefur verið að gerast síðustu vikur.

• Ég fór til Íslands "on business" eins og jakkafötin segja.
• Stofnaði mitt eigið fyrirtæki og sagði upp 80% af núverandi starfi mínu hjá idega.
• Nýja fyrirtækið mitt heitir Skapalón hönnunarhús ehf.
• Heimasíða fyrir fyrirækið er þegar komin í loftið, kíkið á skapalon.is og njótið gleðinnar.
• Er byrjaður að vinna fyrir Landsbankann. Þá hef ég 3 af 4 bönkum landsins undir beltinu.
  
• Át sushi og drakk dýrindis whiskey með Einari félaga á meðan ég var í klakaboxinu.
• Sat aðalfund Íþróttafélags Guðrúnar þar sem ég bauð mig ekki fram í nokkurn skapaðan hlut.
  
• Skoraði fyrsta mark mitt fyrir F.C. Ísland, í eigið net.
  
• Skoraði mitt annað mark fyrir F.C. Ísland, í rétt mark. Glæsilegt skallamark (sjá 51 sekúndu).
  
• Heiðrún átti afmæli.
  
• Fór á Klakamótið í Gladsaxe. Frábært fjör og endaði F.C. Ísland í fjórða sæti.
• Sá Jón Auðunn nakinn. Ekki fögur sjón.
• Spilaði rúmar 500 mínútur af fótbolta á 8 dögum.
  
• Nældi mér í kvef.
  

Magni-ficent!

Jæja, þá er Magni Rockstar búinn að fá mín 30 atkvæði, læt það duga í bili. Eins og flestir Íslendingar þá settist ég fyrir framan tölvuna í morgun, flutti mig um set "tímalega" yfir til Honalulu og tók þátt í kosningunni sem ennþá er í gangi þar. Íslendingar eru svo sniðugir, alltaf að finna glufur í kerfinu. Skv. Hrafni félaga mínum voru í síðustu keppni greidd 40 milljón atkvæði. Af þessum 40 mills átti Ísland 20 milljónir, Hawaii átti 12 milljónir (Íslendingar áttu þar örugglega 11 mills) og restina átti litli heimurinn okkar. Supernova sá okkur stoltu, útsmognu, tónlistarelskandi Íslendingana aldrei koma og væri mjög eðlilegt ef Magni mundi vinna keppnina þökk sé netvæddu þjóðfélagi 300 þús. Íslendinga í norðri.

Þess má geta að Hrafn hefur komið upp spjallsíðu fyrir Magna og gengi hans í Supernova. Hana má finna hér.

Kuldakveðja

Þessi færsla kemur úr ísköldu klakaboxinu, Íslandi. Fór í loftið í gærkvöld, þokkalega slakur á því. Lítið að gera á flugvellinum og ég slapp nokkuð auðveldlega í gegnum tjékkin-ið og vopnaleitina. Ráfaði aðeins um í flughöfninni áður en ég hélt að lokum inn í flugvél.

Ég flaug með Iceland Express í þetta skipti og mundi ég hiklaust velja það flugfélag aftur ef ég fengi að velja. Það er ekki bara nóg pláss fyrir fæturnar á manni heldur er andrúmsloftið afslappað og þægilegt. Ekkert stanslaust áreiti eins og í vélum Icelandair, "Má bjóða þér Morgunblaðið?", "Hvað má bjóða þér að drekka?", "Viltu kaffi?", "Tollfrjálsan varnig?", "Meira kaffi?" Ef einhver ætlar að leggja sig í vél Icelandair, þá getur hann/hún gleymt því!

Ég lenti svo seint í gær og í þessum litla norðan garra. Ég á peysunni einni átti auðvitað von á sól og sumri enda ennþá ágúst eftir því sem ég best man. En nei, ekki á Íslandi ... brrrrrrrrrr.

Ég held svo aftur heim á leið á morgun svo ef einhver vill hitta á mig í dag eða á morgun þá er bara að slá á þráðinn :)

Kveðja úr 10 stiga hita!

Daglega hugleiðingin

Mikið var gaman að stíga út í glampandi sólskin í morgun, setjast á reiðfákinn og halda áleiðis í vinnuna. Þetta er ágætis tilbreyting frá því að hjóla í mígandi rigningu, það get ég alveg sagt.

Á mótum Smallegade/Gl. Kong Vej og Falconer Álle er Araba strákur sem réttir reiðhjólafólki og öðru gangandi fólki dagblaðið. Ég geri alltaf smá keppni úr þessu, hjóla ógeðslega hratt og ímynda mér að ég sé í 1000 metra boðhlaupi ... eða boðhjóli? Í morgun gerði ég mig þó að algjöru fífli þegar ég náði ekki að grípa blaðið, heldur sló það úr höndinni á aumingja manninum. Ég þurfti auðvitað að snúa við og sækja blaðið, keyrandi umferð til lítillar ánægju. Hvað með það, ég sit á skrifstofunni núna með heitan kaffibolla og blaðið mitt. Það er skiptir öllu máli.

Annars er eins og flestir Danir séu upp til hópa á móti dagblöðum. Þeir standa nú í biðröðum á dönsku pósthúsunum, bíðandi eftir miðum til að líma á póstkassann sinn sem bannar allan ruslpóst. Ég segi það bara fyrir mitt leiti að ef ég hefði ekki fengið Fréttablaðið inn um lúguna hjá mér á hverjum degi (eða svona næstum því á hverjum degi. Blaðberinn okkar var algjör haugur!) þá hefði ég sennilega misst vitið.

Talandi um dagblöð. Í blaðinu í gær var grein um Alfons Åberg, betur þekktur á Íslandi sem Einar Áskell. Vissuð þið að "alfons" þýðir "melludólgur" á dönsku?

Bullshit!

Ég er búinn að vera að fylgjast með frábærum þáttum sem heita "Penn og Teller: Bullshit." Þessir þekktu töframenn fara þar ofan í saumana á veraldlegum hlutum eins og trúverðugleika Biblíunar og blótsyrðum landa sinna.

Þættina er hægt að nálgast frítt á Google video. Enjoy!

Frétt ársins?

Ég ætla að skjóta á að þetta verði frétt ársins. Afhverju fréttir um stríð, hungur og atvinnuleysi? Þetta er það sem fólk vill fá að sjá!

Osama var/er semsagt heitur fyrir ræsisrottunni Whitney Houston, guð hjálpi mér. Það er nú eitt að vera hryðjuverkamaður, en að vera skotinn í krakkhóru?

Þá segir Boof að bin Laden hafi „látið móðan mása" um uppáhaldssjónvarpsþætti sína, en það eiga að vera þættirnir The Wonder Years, Miami Vice og MacGyver, allir hluti af bandarískri menningu.

Kallinn fær þó smá respect fyrir að hafa horft á Wonder Years :)

Google jörð

Mikið hef ég gaman að því að surfa um heiminn með músinni minni og Google Earth. Með nokkrum smellum er maður búinn að zoom-a á húsnúmer hjá félaga sínum sem var að flytja til Bandaríkjanna. Alveg ótrúlegt.

Einusinni fór ég til Los Angeles og keyrði þar um. Ég var svaka spenntur fyrir að sjá Hollywood skiltið margfræga en sama hvað ég leitaði lengi þá fann ég það aldrei (sem er skrítið því maður hefði haldið að þetta væri hangandi yfir borginni!!). Með Google Earth tók þetta mig hálfa mínútu og ég stóð sama sem fyrir framan skiltið :)

Hvað er meira? Jú, þessi síða er sniðug. Skoðaðu allar vinsælustu síður í heiminum án mynda og sjáðu hvort þú þekkir þær. Ég þekkti nú flestar ...

Gaktu í lið með Internetinu og berstu fyrir hlutleysi okkar allra!

Að lokum er hér hið margfræga George Foreman grill sem hægt er að tengja við tölvuna. Ég veit að mig langar í eitt svona á skrifstofuna :)

Nokkrir punktar

• Veðrið í Kaupmannahöfn gæti ekki verið meira "íslenskt!" (Rok og rigning)
• Töpuðum 2-1 á móti Karólínu í gær. Súrt.
• Ég hef aldrei verið með jafn miklar harðsperrur!
• Gras.is með nýja síðu. Laglega gert hjá D3. Fínt fyrir okkur fótboltaáhugamenn.
• Búið að bóka New York 4 - 10 október :D

Erfið byrjun

Það er ekki auðvelt að fara á fullt eftir 3 vikna rólegheit og tölvuleysi.

Frekar rólegt í vinnunni, er að vinna á hæga en afkastamikla tempóinu hlustandi á Antony and the Johnsons (Tona og Jónsana). Þið vitið hvað ég á við. Ég er nefnilega að detta í þetta Antony and the Johnsons æði sem allir eru löngu búnir að ganga í gegnum. Þetta er svo ólýsanlega falleg melódía og vill ég þá helst nefna "Cripple and the Starfish", "Man Is the Baby" og "You Are My Sister" (með Boy George) sem uppáhald.

Hildur tengdó og systkini Erlu (Guðný og Markús) komu í gær. Þau ætla eitthvað að spreða sumarhýrunni sinni heyrði ég. Ætli þau verði ekki að fara í Fields. Það er nefnilega demba úti :)

Waiting...

Ég verð bara að mæla með þessari mynd fyrir þá sem hafa ekkert betra að gera.

Back in the game

Sumarfríið búið. Þvílík sorg. Þetta eru búnar að vera fínar 3 vikur þótt svo ein þeirra hafi farið í rúmlegu og veikindi. Það þýðir þó ekki að örvætna því við konan erum þegar farin að skipuleggja næsta frí. Í byrjun október ætlum við að fara í víking til Stóra Eplisins, New York. Þar ætlum við að baða okkur í menningu og drykk og njóta alls sem þessi víðfræga borg hefur upp á að bjóða.

Ég var duglegur að glugga í bækur í fríinu og kláraði ma. frábæra teiknimyndasögu, "V" For Vandetta. Ég var fyrir löngu búinn að ákveða að klára bókina áður en ég sæi myndina svo það var loksins um helgina sem ég settist niður og horfði á þessa annars fínu mynd. Laddi vinur lánaði mér aðra bók að lesa og heitir hún Maus eftir Art Spiegelman. Einstaklega vel heppnuð bók sem fjallar á sannsögulegan hátt um seinni heimsstyrjöldina og helför Nasista gegn Gyðingum. Bókin er sett upp í teiknimyndaformi þar sem höfundurinn notast við dýr til að teikna sögupersónur sínar. Þannig verða Gyðingar mýs, Nasistar eru kettir, Kanar eru hundar og Pólverjar eru svín til að nefna eitthvað. Þess má geta að bókin er fyrst teiknimyndabóka til að fá Pulitzer verðlaun.

Sprite Zero

Rakst á þessa skemmtilegu Sprite Zero auglýsingu niður við Frederiksberg Centre í vikunni. Sýnir að ef budgetið er gott og viðskiptavinurinn "líbó" þá er allt hægt.

P.S Auglýsingin breytist semsagt eftir því hvar maður stendur og horfir á :)

Sólarlönd

Ennþá er maður í sumarfríi. Ekki er þó að marka það hér á blogginu enda er maður einstaklega latur að halda því við þegar hægt er að gera allt annað á meðan :)

Komum til baka frá Tenerife á Spáni sl. þriðjudag og áttum við þar ánægjulegar 2 vikur. Við vorum staðsett á Fanabe ströndinni við Playa De Las Americas og var þar allt umhverfi til fyrirmyndar. Rútuferðin frá flugvellinum var þó heldur skuggalegt (drasl og dauði út um allt!) og skilur maður alltaf betur og betur afhverju fólki finnst ferðin frá Leifsstöð vera tilkomumikil.

Það var greinilegt frá fyrsta degi að Tenerife er sælureitur feitra Breta. Í sundlaugagarðinum á hótelinu flatmöguðu þeir á milli þess sem þeir reyktu og tróðu í sig skyndibita. Einnig fór mikið fyrir Svíum á hótelinu og þótt þeir séu heldur grennri og spengilegri þá vita flestir sem mig þekkja að þeir eru upp til hópa fávitar.

En fyrir utan feita Breta og leiðinlega Svía þá fór mest fyrir blessuðum Íslendingnum. 300 þús manna eyja og mætti halda að hún hefði verið öll í sumarleyfi á Tenerife. Heppilega bókuðum við okkur í gegnum danska ferðaskrifstofu og vorum við því einu Íslendingarnir á hótelinu. Við vorum þó varla búin að labba í 10 mínútur frá hótelinu áður en við rákustm á fyrstu Íslendingana. Maður þarf ekki að heyra tungumálið, maður bara sér það. Það var sama hvert maður fór, allstaðar voru Íslendingar á ferli, jafnvel þegar við fórum langa leið í dýragarðinn rákumst við á 4 Íslendingahópa og hitti Erla meira að segja frænda sinn þar! Þetta er auðvitað ótrúlegt.

Íslendigar farandi í slíkar reysuferðir á hápunkti verðbólgunnar eru ekki öfundsverðir. Evran lengst uppi í skýjunum og sér ekkert fyrir lækkun. Hvert sem maður fór, verkjaði mann í budduna, enda ekki annað hægt þegar maður fer út að borða öll kvöld :)

En maður er loksins kominn heim, heim í hitabylgju. 10 dagar á Spáni ætti að vera nóg fyrir hvaða Íslending finnst mér. Þeas ef hann býr í Danmörku, ekki Íslandi ;)

Bæ, bæ HM - Hello Spánn!

Mánaðarlöngu knattspyrnumaraþoni lauk með dramatískum hætti í gær þegar mínir menn, Frakkar þurfu að láta í minni pokann fyrir Ítölum. Þessir spilltu, spagettíétandi fávitar fóru með sigur af hólmi eftir vítaspyrnukeppni þar sem markmenn beggja liða hefðu alveg eins getað staðið á hliðarlínunni á meðan. Það sem aðskildi gullið frá silfrinu þetta árið var sláarskot, sem með smá heppni hefði alveg getað endað í netinu.

Kærkominn sigur fyrir flesta leikmenn Ítala sem fá að spila í neðri deildum ítölsku deildarinnar á komandi tímabili ... hí á þá.

En nóg um það, 2 ár í EM og ég er strax farinn að telja niður dagana :)

Nú er aðeins hálfur sólarhringur í langþráða sólarlandarferð með fjölskyldunni til Tenerife. Þar sem bann hefur verið lagt við öllum tölvubúnaði í ferðinni verður væntanlega lítið bloggað næstu 2 vikurnar en kannski maður nái að skjóta inn einni til tveim færslum úr hótel lobby-inu ... sjáum til :)

Hafið það gott á meðan :)

Fimmtudags sarpurinn

Fullt af gömlu drasli í sarpnum sem ég hef ekki nennt að tæma fyrr en núna.

Þessi gaur er rosalegur. Hann heitir Joe Mikulik og er þjálfari í minor league hafnaboltaliði í Bandaríkjunum. Virkilega góð fyrirmynd.

Hann Vincent Ferrari vildi segja upp AOL reikningnum sínum og hringdi því í þjónustuverið. Þetta var útkoman ...

Þessar myndir/auglýsingar innan á almennings baðherbergjum í Tælandi eru svolítið sniðugar.


Hver vill ekki eiga Dazed & Confused á DVD? Hér er umsögn um þessa frábæru mynd. (Takið eftir Renee Zellweger í smáhlutverki á fyrstu myndinni)

Ef ég kynni að vera góður hönnuður þá mundi ég vilja vera þessi gaur ...

Ég á iPod! Nú get ég gónt á Podköstin mín og þættina mína á meðan ég er á dollunni. Í STEREO!

Draumurinn er hér! Ef þú ert að leita þér að nýju sjónvarpi (skjá?) þá er þetta tæki málið. Það reyndar ekki "HD ready" en það er sennilega afþví að þetta er "HD SKJÁR!" :)

Svo ein að lokum. Þessi auglýsing er bara of fyndin. Tag-line lesist upphátt :D

Sommerferie!

Þá fer þetta að bresta á. Nú er aðeins 8 dagar í langþráða sólarlandaferð með fjölskyldunni. Á þriðjudaginn í næstu viku verð ég sitjandi við sundlaugabarinn á Tenerife með Margaritu í annari og sunblock-ið í hinni.

Vikan var ánægjuleg. HM og aftur HM. Fór snemma heim úr vinnunni á föstudeginum til að horfa á enn eitt jafnteflið og vítaspyrnukeppni. Þjóðverjar fóru að lokum með sigur af hólmi þökk sé mínum manni Jens Lehman. Ef ég hefði fengið að vera í hópi blaðamanna eftir leikinn þá hefði ég ekki gert athugasemdir við leikstíl beggja liða, þvert í móti. Ég hefði sagt Argentínumönnum að sítt hár er aljgörlega úr tísku og Þjóðverjunum að aflitað hár og strípur er ekki að gera sig eins vel og fyrir 20 árum.

Daginn eftir tók svo við meiri fótbolti og horfði ég á "mitt lið" England fá sömu örlög og Argentínumenn höfðu fengu kvöldið áður, tap í vítaspyrnukeppni. Þá er ekkert eftir nema að halda með Henry og hinum ellismellunum í Franska landsliðinu.

Sunnudagurinn fór í það sem er farið að verða vikulegur viðburður, dýragarðsferð með Guðjón Inga. Þar sem ég fjárfesti í reyðhjóli um daginn er dýragarðurinn ekki nema í 10 mínútna fjarlægð og það kunna sumir litlir peyjar vel að meta.

Nú sit ég hér í steykjandi hita á skrifstofu v74 við Vestebrogade og tel niður dagana. Sumarfríið hefst formlega á fimmtudag og því best að vera með öll vinnutengd mál á hreinu fyrir þann tíma.

Sólin komin aftur

Mikið saknar maður hennar þegar hún hverfur í nokkra daga. En það er sennilega betra en að þurfa að sakna hennar í nokkrar vikur eða mánuði eins og sumir gera í klakaboxinu.

Tók klassískan "föstudagspakka" í hádeginu. Hjóla niður Vestebrogade og niður á Strikið þar sem tékkað er á púlsinum. Slatti af fólki, mis vel klætt í góða veðrinu auðvitað. Hjóla aftur til baka og koma við á Mikka og henda sér svo í Sport Masteren. Þetta gerðum við laddmundur reglulega þegar hann sá sér sóma í að vera hérna með mér í Danmörku. Þessi ferð var tribute til hans ...

HM á eftir. Einn stærsti leikur á HM fyrr eða síðar. Lið sem bæði hafa hampað Heimsmeistaratitlinum og mæst tvisvar í úrslitum HM ('86 og '98 ef mig minnir rétt).

ARGENTÍNA vs. ÞÝSKALAND

Þessi á eftir að fara í sögubækurnar ........

Loftsteinn dauðans

Hvað mundi gerast ef loftsteinn rækist á Jörðina? Horfið á þessa ógnvekjandi mynd til að komast að sannleikanum ...

Forvarnahúsið

Á föstudag fyrir helgi opnaði Sjóvá nýtt hús sem allt er helgað forvörnum. Húsnæði liggur svo til í bakgarðinum hjá Sjóvá eða í því húsnæði sem áður hýsti prentvélar Morgunblaðsins.

“Markmiðið með Forvarnahúsinu er að efla og samræma forvarnir í landinu með aðal áherslu á slysavarnir. Forvarnahúsið verður þannig öflugt þekkingarsetur um slysavarnir. Eitt helsta hlutverk Forvarnahússins er að miðla upplýsingum og fræða almenning um slysavarnir. Starfsmenn Forvarnahússins munu starfa með fyrirtækjum, félagasamtökum og opinberum aðilum að eflingu og samhæfingu slysavarna.„

Að þessu tilefni var opnuð síða með upplýsingum um verkefnið. Síðuna hannaði ég og sáu félagar mínir hjá Origo (aka. TM Software) um að vefa þetta saman. Verkið tók aðeins viku að gera (hönnun + forritun) og finnst mér bara hafa tekist bærilega til. Hvað finnst þér?

HM drama?

Ég var að enda við að horfa á leik Portúgala og Hollendinga. Í leiknum voru gefin 12 (16) gul spjöld og 4 rauð! Í gamla daga fékk fólk eitthvað fyrir peningana sína þegar það borgaði sig inn á slíkar viðureignir. Núna eru þetta bara slaksmál í hverju horni eftir að einhver hrynur í grasið við minnstu snertingu .... slæmur dagur fyrir knattspyrnuna.

Á myndinni má sjá Mark Van Bommel í leik Arsenal og Barcelona. Hann slapp ekki við að fá gult spjald í þessum leik frekar en aðrir.

Helgin

Enn ein fín helgi að baki og ekki úr vegi að líta um öxl og telja upp það markverðasta.

Fimmtudagur: Unnum fyrsta bikarleik sumarsins 2-3 eftir að hafa verið 2-0 undir í hálfleik. Sigurmarkið skoraði Jón "sekkur" 10 sekúndum fyrir leikslok. Fín byrjun á helginni.

Föstudagur: Vaknaði þunnur eftir mikla bjórdrykkju og pokerspil kvöldið áður. Ekki svo góð byrjun á deginum. Kreisti út nokkra tíma í vinnunni og tók svo ræmugláp með húsfrúnni um kvöldið.

Laugardagur: Fórum snemma upp í Bröndby Strandpark þar sem ég hafði mælt mér mót við mann. Hann ætlaði að selja mér hjól sem ég hafði fundið á smáauglýsingavef dba.dk. Mér leist svo vel á hjólið að ég keypti það á staðnum. Við tókum svo lestina heim aftur og Guðjón Ingi fékk að leggja sig í nokkra tíma áður en við héldum aftur á stað út. Fór með Erlu á nýja fáknum í dýragarðinn þar sem við skoðuðum dýrin í blíðskaparveðri. Guðjón Ingi skemmti sér konunglega og tók nokkrar geitur taki við litla hrifningu þeirra.

Sunnudagur: Við höfðum greinilega ekki labbað nóg á laugardeginum því í dag löbbuðum við þvert yfir Kaupmannahöfn. Tókum lestina niður í miðbæ, fórum rúnt í Tívolí og GI fékk að prufa öll uppáhalds tækin sín. Þaðan löbbuðum við niður Strikið og kíktum í búðir (þær sem opnar voru þeas.) GI sofnaði svo í kerrunni og við Erla fengum okkur lunch á Nyhavn í steykjandi sól og hita. Héldum aftur af stað og kíktum á Amalienborg og nokkra listigarða í hverfinu. Nú erum við komin heim og ekki laust við að fyrsti bruni sumarsins sé að líta dagsins ljós .......

Kennimark á netinu

Fyndið hvað allt verður hallærislegt þegar það er fært yfir á íslensku. Meina það ekki í neikvæðri merkingu, frekar svona skemmtilega hallærislegt. Hver las ekki greinina hans Litla Hrauns Árna um að íslenska orðið MP3 spilari og kalla það "Tónhlöðu." Mér fannst það amk. skemmtilega hallærisleg lesning.
En það var nú ekki það sem ég ætlaði að skrifa um. Ég er þessa dagana mikið að spá í kennimarki mínu á netinu eða Online-Identity eins og það héti á enskunni. Mér finnst nefnilega ímynd mín afskaplega reitingsleg ef svo má að orði komast. Í dag eru allir sem eitthvað skoða netið með sitt eigið kennimark, ekki ósvipað og fyrirtæki gera til að aðgreina sig frá öðrum og standa út. Þetta snýst allt um að vera með gott eigið brand. Tökum dæmi:

Á þessari bloggsíðu geng ég undir nafniu "designsalot" þó svo að innskráningarnafn mitt sé "jonathangerlach." Ég hef hefðbundna e-mail addressu í vinnunni sem er jonni(hjá)idega.is en á gmail er ég jonni1977(hjá)gmail.com. Ekkert af þessum venjulegu nöfnum voru til þegar ég ætlaði að stofna mér Flickr reikning svo þar þurfti ég að notast við "kastaniubrunn." Á MSN nota ég vinnu netfangið sem er ágætt en á iChat þarf ég að nota jonni1977(hjá)mac.com. Á Skype er ég svo bara "jonni1977" eins og á Apple umræðuvefnum. Á vínvefnum corkd.com heiti ég gælunafni mínu "jonni" og á yahoo heiti ég bæði "skapalondesign" og "jonni1977jonni" (já, ótrúlegt ég veit) Á umræðuvef Arsenal heiti ég "gerlach" en á Ljósmyndakeppni.is heiti ég svo aftur "jonni."

Svona mætti lengi telja og er ég ekki einusinni byrjaður á Amazon, eBay og öllum þeim on-line verslunum sem maður hefur heimsótt um ævina.

Eins og sjá má er kennileiti mitt því mjög óreglulegt. Þessum notendanöfnum fylgir svo oft mismunandi aðgangsorð svo ennþá erfiðara verður að skrá sig inn á þessa staði ef maður man ekki allt frá A til Ö. Staðreyndin er sú að finna upp á einu notandanafni sem hægt er að nota á öllum þessum vefjum samstundis er næstum útilokað. Það er sama hverju maður finnur upp á, það er alltaf einhver búinn að taka það frá.

Það er þó von fyrir félaga mína í hönnunargeiranum á Íslandi því þeir/þau bera falleg íslensk nöfn sem hægt er að nýta sér. Ber þar helst að nefna Dagný Reykjalín sem oft notar "daia" eða bara "reykjalin." Ragnar Freyr kunningi minn hefur þetta einfalt og notar bara "ragnarfreyr" og/eða hönnunarnafn sitt "onrush." Egill Harðar notar nafnið "egillhardar" á flest öllum stöðum (bloggið, porfolio-inu, Flickr, del.icio.us osfrv.)

Ég ætla að leggja höfuðið í bleyti. Ímynd mín á netinu þarf yfirhalningu eða "brand make-over." Þeir sem hafa þegar fengið hugmyndir eru vinsamlegast beðnir að skilja eftir komment hér fyrir neðan, ég yrði mjög þakklátur.

Kveðja, Lególand, Maður leiksins

Enn ein fín helgi að baki. Ég var í fríi í gær svo það er eiginlega mánudagur í manni í dag.

Laugardagurinn fór í það að kveðja runa og Heiðrúnu sem voru að fara í langt ferðalag til Íslands. Ætluðu að keyra til Noregs og gista hjá vinafólki, keyra svo áfram til Bergen, gista á hóteli og taka Norrænu til Íslands daginn eftir. Keyra svo frá Seyðisfirði til Reykjavíkur. Samtals um 2000 km, ekki lítið það og alls ekki öfundsvert.

Að morgni sunnudags fór ég svo út í Valby þar sem F.C Ísland átti að mæta Beckham Boys. Eitthvað var slöpp mætingin þennan daginn og rétt náðum við í lið fyrir leikinn. Nokkrir voru þunnir og aðrir voru farnir að kvíða hitanum sem var kominn hættulega nálægt 30 gráðunum (klukkan ekki orðin 12!). Liðið er búið að tapa síðustu tveim leikjum í deildinni svo það var afar mikilvægt fyrir okkur að rífa sig upp og vinna með stæl. Ekki varð úr því og við töpuðum mjög ósanngjarnt 1-2. Þegar ég segi ósanngjarnt þá á ég við að við vorum mun betra liðið, betur spilandi og meiri metnaður. En það vantaði því miður skiptimenn í þessum hita (þeir voru með 3), nýr óreyndur markmaður í markinu og allir sóknarmenn liðsins meiddir eða óviðlátnir svo við vorum ekki beittir fram á við heldur. Afsakanir ég veit en þetta skiptir samt máli þegar á heildina er litið.

Þrátt fyrir umrætt tap er hægt að finna tvo jákvæða hluti við leikinn:

1. Ég spilaði 90 heilar mínútur í 28 stiga hita án þess að detta niður dauður eða fá krampa í gaurinn.
   
2. Ég var valinn maður leiksins (sem er alltaf góð tilfinning).
   

Á mánudeginum fórum við fjölskyldan með Hildi tengdó í Legoland. Hildur er með bílaleigubíl sem við auðvitað notuðum til ferðalagsins enda dágóður spölur. Fengum þetta fína veður og skemmtum okkur konunglega innan um allar hinar fjölskyldurnar í Legoland. Guðjón Ingi lék við hvern sinn fingur og skemmti sér auðvitað mjög vel eins og við hin.

Hæ hó og jibbí

... þá er kominn 17. júní. Ekki eins og maður taki mikið eftir því hérna enda hefur þjóðhátíðardagur Íslendinga lítið með Dani að gera. Svo er ekki einusinni rigning ...

Annars hefur myndast örlítið tóm hjá okkur Erlu. Þórhallur og Þórunn fóru yfir hafið mikla í gærkvöldi og runi og Heiðrún lögðu af stað í ferðina löngu í morgun. Við Erla og Guðjón Ingi erum því allt í einu orðin ein eftir í góða veðrinu.

Á eftir ætlum við þó að reyna að halda upp á þjóðhátíðardaginn með öðrum Íslendingum sem sáu sér sóma í að eyða sumrinu í Danmörku. Sá fögnuður verður haldinn á Amager Strand að hætti Íslendingafélagsins. Vonum að það verði eitthvað í líkingu við miðbæ Reykjavíkur á góðum degi.

Leikur á morgun við Beckham Boys. Verðum að komast aftur á sigurbraut eftir tvo tapleiki ... það er algjört must.

Flock

Var rétt í þessu að prufa nýjann browser (vafra?) sem lofar góðu. Auk hans nota ég auðvitað Safari og Firefox en það er alltaf gaman að prufa eitthvað nýtt. Hann til dæmis styður vel við Flickr, Photobucket og allar helstu blogg þjónustur á vefnum í dag svo það ætti að vera að auðvelt að blogga núna :) Ég er einmitt að skifa þessa færslu hér í þennan ágæta browser.

FlockScreenSnapz057.png on Flickr - Photo Sharing!

technorati tags:Flock, Browser, Internet, Blogg

Auglýsinga M(bl)anía

Er það bara ég eða er mbl.is að fara vel yfir strikið með þessum nýju auglýsingaborðum efst á síðunni. Þessi síða er orðin eins og argasti smáauglýsingavefur. Þetta er óþolandi.

Sjálfur skoða ég (eins og flestir Íslendingar) þessa síðu nokkuð reglulega, jafnvel oft á dag. Síðan verður auðvitað hæg fyrir vikið enda þarf að hlaða niður öllum þessum ósóma áður en maður getur farið að lesa það sem skiptir mestu máli, fréttir.

Ég tók að gamni skjámynd af vefnum (sjá hér)eins og hann er í dag og merki auglýsingar með rauðum lit. Það má nokkuð greinilega sjá hversu mikið pláss auglýsingarnar eru í raun að taka. Það er allavega mjög lítið pláss fyrir alvöru efni.

Hitabylgja

Maður lifandi, nú er farið að hitna í kolunum. 21 stiga hiti kl. 8.30 í morgun. Eins gott að bera lotion á kryppuna.

Annars er leikur í deildinni á eftir kl. 15.15 og mætum við sterkasta liði deildarininar Boldklubben Cito. Eftir sigur okkar manna verður haldið á Solbakken þar sem menn hita upp með grillkjeti og mjéð. Um kvöldið verður svo meiri fótbolti þar sem Tóbakið mætir Argentínu. Stefnir í skemmtilegan dag :)

Góðverk gærdagsins

Í gær varð ég fyrir því óláni að týna símanum mínum. Ég var á harðahlaupum á eftir strætó og datt hann sennilega úr öðrum vasanum við hamaganginn. Ekki uppgötvaði ég þó missinn fyrr en ég var hálfnaður í vinnuna og taldi því ólíklegt að síminn væri ennþá á sínum stað ef ég snéri aftur til baka. Til öryggis sendi ég SMS í símann minn þar sem ég lofaði gulli og grænum skógum ef sá er finndi símann kæmi honum aftur til réttmæts eiganda. Erla týndi nefnilega símanum sínum fyrir einhverjum mánuðum síðan og hefur hún aldrei séð til hans aftur svo ég var ekki að gera mér miklar vonir (mætti nefna að hjólinu mínu var stolið fyrir nokkrum vikum) um að fá símann til baka. Það var því gríðarlega óvænt þegar ég fékk símtal (í símann hjá ladda) tveim tímum síðar. Einhver kona hafði fundið hann á götunni og í góðmennsku sinni hringt og komið honum í sjoppuna hinumegin við götuna. Ekki vildi hún fá neitt fyrir fyrirhöfnina svo ég þakkaði henni í bak og fyrir á minni vel slípuðu dönsku og bað hana vel að lifa.

Ég var svo glaður í hjarta gerði ég tvö góðverk í staðinn seinna um daginn (algjörlega ómeðvitað reyndar). Á leið minni á æfingu rakst ég á mann sem var við það að missa 100 kall úr rassvasanum. Ég kallaði auðvitað til hans og benti honum á seðilinn sinn. Hann var afskaplega ánægður að fá að vita þetta og skaut seðlinum djúpt ofan í vasann aftur. Í miðasölunni á lestarstöðinni gerði ég svo annað góðverk með því að rétta viðkunnanlegum manni númerið mitt þegar ég var á leiðinni út (ég þurfti nefnilega ekki að nota mitt) og sparaði honum því 10 mínútur í biðröð. Hann varð ákaflega ánægður enda kominn langt yfir þann aldur að nenna að bíða eftir nokkrum sköpuðum hlut.

Ég vildi að fólk gerði góðverk daglega og það mjög meðvitað. Þannig yrði heimurinn sennilega betri fyrir vikið (amk. betri en hann er í dag).

Svo er HM að byrja í kvöld. Opnunarleikur Þjóðverja og Costa Rica. Við laddmundur ætlum að byrja gleðina á Peter Bangs Vej með upphitun í gosi og snakki. Næstu vikur verða fótbolti, fótbolti, fótbolti ... maður lifandi!

Lögverndaður hönnuður

Þá hefur Alþingi loksins ákveðið að gefa okkur grafísku hönnuðunum lögverndað vinnuheiti. Fannst mér þá vera kominn tími til enda löngu orðið þreytt að allir í heiminum sem einhverntíma hafa kveikt á Photoshop eða opnað Windows Paint geti kallað sig grafískan hönnuð.

Miðvikudags sarpurinn

Jahérna, eftir hálf tómlegan sarp síðast kemur þessi inn með látum. Látum vaða:

Áttu iPod og verður oft rafmagnslaus? Afhverju ekki að kaupa sér svona lítið batterísbox (AA) svo þú getir hlaðið í neyð ....

Þetta er sennilega mesti tölvunörd sem Ísland hefur alið. Annars var ég ekkert ólíkur honum nokkrum árum seinna. Spilaði Kings Quest, Space Quest og alla þessa leiki út í eitt.

Ef þú ert ekki hrifin(n) af Hi-Fi frá Apple þá er SpecktoneRetro sennilega málið.

The Sad Tally. Hversu margir hafa hent sér af The Golden Gate brúnni í San Fran? Hér eru tölurnar og hvar fólk hefur hent sér af brúnni í gegnum árin. Það er nú til tölfræði fyrir allt ....

Ertu orðinn þreyttur á hönnunardrullunni í kringum þig? Hjá Logoworks er hægt að kaupa þjónustu margra grafískra hönnuða sem vinna freelance. Allir skila inn hugmyndum og þú velur þá bestu. Það má svo metast um gæði þessara hugmynda :/

Etre er fyrirtæki sem hefur þróað nýja tækni sem kallast Eye Tracking. Með þessari tækni er hægt að sjá hvert auga notandans leitar og hvað hann/hún skoðar hverju sinni. Ótrúlega þægilegt fyrir þá (mig) sem hanna vef viðmót flest alla daga :)

Íslendingar hafa fengið nýjan kvikmyndavef og heitir hann Film.is. Hef skoða smá af honum, lesið gagnrýni og annað og hann lofar góðu. Finnst ég samt endilega kannast við þessa rauðu stiku sem kemur efst (glitnir.is?)

Enn ein persónusköpunin í gangi hér. Eins og með KB banka, Lottó og flest öll stór fyrirtæki á Íslandi fara menn alltaf sömu leiðina. En þótt þessi herferð fyrir HM dagskrá Sýnar sé eins og allt annað þá hlæ ég alltaf jafn mikið af vitleysunni í honum Pétri. Hann er bara of fyndinn gaur.

Man einhver eftir stóra Virgin pósternum þar sem átti að finna 74 hljómsveitir á einni mynd? Hér er sama þraut nema þú átt að finna 100 kvikmyndir :)

Ertu vefhönnuður og þarft að mauka saman mikið af formtökkum yfir daginn? Láttu Buttonator sjá um þetta fyrir þig.

Færeysk skilti og annað vekur alltaf upp kátínu. Það er bara eitthvað svo fyndið við þetta blessaða tungumál :D

Hvítasunnan

Nóg að gera um helgina víst. Föstudagurinn fór í grill og rólegheit hjá runa og Heiðrúnu. Veðrið búið að vera svolítið misjafnt svo maður þarf að vera tilbúinn að hlaupa inn ef það byrjar að þykkna upp. Já, veðrið hérna getur stundum verið jafn óútreiknanlegt og heima á Íslandi.

Laugardagurinn fór að miklu leiti í tuðruspark. Áttum leik við eitt af sterkari liðum í deildinni. Það var ágætur andi í hópnum til að byrja með og því mikið högg þegar við fengum á okkur fyrsta markið strax eftir eina og hálfa mínútu. Ekki bætti úr skák að mikill mótvindur var í fyrri hálfleik og erfitt fyrir okkur að finna rétta tempó-ið. Það var svo ekki fyrr en í fyrri hálfleik að við komum framar á völlinn og fórum að setja okkar mark á leikinn. Þeir náðu svo að skora aftur (pínu gegn gangi leiksins) áður en við náðum að setja okkar fyrsta. Eftir mikla pressu frá FC Íslandi síðustu mínúturnar komust þeir í skyndisókn og náðu að setja þriðja og síðasta mark leiksins, lokatölur 3-1 góðu liði B 1904 Kaupmannahöfn í hag.

Á Hvítasunnudag (Pinsedag) ákvað sólin að heiðra okkur með nærveru sinni og fór mikill tími í að sitja úti á svölum og sleika upp geislana. Við feðgar fengum okkur labbitúr í hverfinu og fengum okkur ís saman úti í Kisosknum á horninu. Það þótti litla manninum ekki leiðinlegt.

Á 2. Pinsedag (mánudag) fékk svo Guðjón Ingi hita og þurfti ég að vera með litla gaurinn heima á meðan hann var að jafna sig. Við horfðum á Ávaxtakörfuna svona 5 sinnum og Madagascar svona 2 sinnum. Ég kann þessar DVD myndir næstum utanbókar núna :) Erla er búin að vera vinna mikið í ritgerðinni sinni undanfarið og hefur maður séð lítið af henni nema þegar hún kemur heim að borða og sofa og svoleiðis :)

Í dag hef ég svo bara verið heima að vinna þar sem laddmundur er að leika hlutverk gestgjafa á meðan móðir hans og faðir eru í stuttu stoppi í Kaupmannahöfn. Við förum svo væntanlega niður á Vestebrogade í fyrramálið, þeas. ef Guðjón Ingi verður hress ...

Mánuður í Tenerife ... úffffff. Farinn að telja niður dagana .....

Miðvikudags sarpurinn

Mikið er sarpurinn búinn að vera tómur hjá mér undanfarið. Veit ekki hvort internetið er í sumarfríi eða ég bara svona latur við að surfa :/

Ertu bloggari? Afhverju ekki að vera snobb bloggari? Hér eru leiðbeiningar fyrir venjulega bloggara að því hvernig best sé að breyta blogginu sínu í snobb blogg ...

P.S Það er meira að segja hægt að "hlusta" á færsluna (sniðugt).

Hversu vel skilur þú hönnun? Hér er fínt próf fyrir okkur hönnuðina, þá sérstaklega vefhönnuðina. Mér gekk bara sæmilega ...

Að lokum vildi ég bara minnast á Google Analytics sem er fræbær site analyser fyrir fyrirtæki og einstaklinga. Sniðugt td. að tengja við blogg sem þetta og hafa yfirsýn yfir hverjir eru að koma inn, hversu oft og hvaðan. Eini gallinn er að þetta er invite only í augnablikinu svo það er best að sækja um og bíða.

Ruslpóstur

Þegar ég bjó á Íslandi blöskraði mér oft yfir öllum þeim ruslpósti sem flæddi inn um lúguna í hverri viku. Eftir að ég flutti til Danmerkur hef ég komist að því að Ísland kemst ekki með tærnar þar sem Danirnir hafa hælana í framleiðslu á ruslpósti. Þessa mynd tók ég í dag eftir að hafa raðað upp ruslpósti dagsins ... já DAGSINS!

The single life

Þá er langur dagur að kveldi kominn. Vaknaði snemma í morgun eftir góðann bender með strákunum í gær. Hentum okkur í keilu og tókum fúsball á Solbakken, endalaus gleði. Áttum svo leik í morgun kl. 10.45 og var mæting í fyrra fallinu eins og venjulega. Sem betur fer hafði bjórinn ekki farið illa í mig og ég gat nokkurnveginn haldið haus fram að leik ;) Þetta var nokkuð dapurt lið sem við vorum að spila við, gamlir refir sem greinilega voru komnir á tíma sumir og áttu ekki inni nema 30-40 mín áður en þeir hættu alfarið að hlaupa, úrslitin 5-1 okkur í vil, nokkuð sanngjarnt bara.

Erla og Guðjón Ingi fóru til Íslands á þriðjudaginn og hef ég því verið einstæður í 2 daga. Það er alltaf spes tilfinning og eiginlega svolítið einmannalegt þegar maður er bara einn í íbúðinni alla daga. Ég ákvað því að taka boði Runa og Heiðrúnar og skella mér í íslenskt lambalæri í tilefni dagsins. Jón og Inga (foreldrar Heiðrúnar) komu svo frá Svíþjóð og snæddum við öll saman, ræddum póitík, töluðum um heimsmálin og margt annað.

Svo var bara lest heim og stefnan tekin á rúmið eftir ca. 10 mín. Svolítið skrítið að sofna einn í svona stóru rúmi :)

Mánudags sarpurinn

Yahoo fór nýlega í loftið með nýja Tech síðu. Hún er ekki eins nörda oríentuð og margar síður af sama toga svo það er fínt fyrir mömmur og aðra sem vita minna um tölvur að finna hluti á þessari síðu.

Á afmælisdaginn minn 9. maí fór fram hin árlegu Webby Awards. Þar er auðvitað ótrúlega mikið af síðum verðlaunaðar fyrir allskonar hluti. Nú er einmitt búið að bæta við blogg verðlaunum fyrir þá sem teljast framúrskarandi á því sviði.

Ég fékk mína fyrstu Vans skó um daginn. Þetta eru ótrúlega þægilegir götuskór og mæli ég óhikað með að fólk fjárfesti í einu pari þó það væri ekki nema bara til að rifja upp dagana þegar maður klæddist kínaskóm alla daga :)

Vantar þig bakgrunn á síðuna þína? Afhverju ekki að nota þessa síðu?

Sumarið er komið (amk. í Kaupmannahöfn). Þá fer í hönd smoothie tími ársins þar sem maður reynir að kæla sig niður í hitanum. Þessi bók var á tilboði hérna niðri í Føtex og smellti ég mér á eintak. Ómissandi fyrir smoothie aðdáendur í sumar :)

Öðru ævintýri lokið ...

Góða Sylvía Nótt. Nú er þinni dramatísku ferð til Aþenu lokið, öllum íhaldssömum evróvision tepru fíklum til mikillar gleði. Ferðin var góð og mjög gleðileg að mínu mati. Ég skal fúslega viðurkenna að ég horfi aldrei á þátt hennar þegar hann var á dagskrá Skás Eins og hafði meira að segja óbeit á stúlku en eftir að hún fór á svið með lagið sitt og tilburði þá féll ég fyrir henni.

Undankeppnin í gær var auðvitað grín. Ég held að okkar framlag, sem vissulega var grín hafi snúist upp í andhverfu sína og gert grín að gríninu, eða þannig. Ég meina gaurarnir sem sungu "We are going to win Eurovision" voru auðvitað að gera grín, kannski það hafi verið aðeins meira subtle en Silvía því þeir komust áfram í lokakeppnina, eins gerðu Finnar með sitt fágaða dauðametal. Afhverju var okkar framlag tekið svona sérstaklega fyrir sem hæðni?

Ég vona að tímar okkar í þessari keppni séu taldir, á vissan hátt held ég við séum vaxin upp úr þessari keppni. Hvernig er hægt að koma að ári með lag sem slær út Silvíu? Hvernig getum við farið að taka þetta alvarlega aftur eftir að hafa farið þessa leið í ár? Ég legg til að peningarnir fari frekar í veglega söngvakeppni innanlands eða jafnvel í eitthvað merkilegra málefni en Balkaneurovision.

Ævintýrið búið...

Jæja, þá er Meistaradeildinni lokið þetta árið, flestum til mikillar ánægju. Ekki var þetta árið sem Arsenal átti að hampa bikarnum, því miður. Dómari leiksins (Norðmaður auðvitað, hvað annað?) ákvað upp á sitt einsdæmi að eyðileggja frábæra skemmtun eftir aðeins 20 mínútna leik og reka marvörð Arsenal af leikvelli. Þótt svo dómurinn hafi vissulega verið réttlætanlegur þá var það bara svo súrt að svo skildi fara á þessum tímapunkti í leiknum. Ekki bætti úr skák að þessi slaki Norðmaður átti ekki eftir að sjá til sólar í góðri dómgæslu það sem eftir lifði leiks ...

Það er alltaf næsta ár, Arsenal er lið sem er á þrusu siglingu, ungir leikmenn í hverju horni og nú er bara að bíða og sjá hvað elsku Henry minn gerir.

En nóg um knappspyrnu. Ég sit hérna heima, rigningin ætlar greinilega engan endi að taka og æfing í fótbolta eftir 3 tíma. Það veður mjöööög líklega slöpp mæting þar sem flestir vilja sennilega vera heima í sófa með einn kaldann og sjá Silvíu Nótt "fuckin" vinna þessa undankeppni. Ég mun allavega klappa fyrir henni enda sjaldan verið gefið jafn mikill skítur í eina Evróvisionkeppni.

Til hamingju Ísland.

Wet And the City

Það er blautt í kóngsins Kaupmannahöfn í dag. Eftir 10 góða sólardaga er aftur farið að kólna. Maður var kannski orðinn of góðu vanur, ég veit ekki. Eftir ca. klukkustund eða svo verður mér svo enn meira kalt þegar ég fer alla leið upp í Valby til að sparka í tuðru, grenjandi rigning og varla 10 stig á mælinum. Stefnir allt í kvef á morgun ...

Annars eru tæplega 2 mánuðir í ferð til Tenerife og ég get vart beðið. Við konan erum meira segja farin að plana næstu utanlandsferð en þá verður vonandi flogið til Nýju Jórvíkur til að taka púlsinn á öllu því nýjasta í hönnun, mat list. Allir sem farið hafa til stóra eplisins mega endilega senda mér uppástungur :)

Liverpool

Ef Liverpool er svona frábært lið, afhverju geta þeir aldrei unnið úrslitaleiki í venjulegum leiktíma?!?!

Radiohead myndir

Gleymdi alveg að post-a nokkrum myndum frá tónleiknum sl. sunnudag. Hér koma nokkrar sem eru lýsandi fyrir stemminguna sem var í höllinni og eftirpartý-inu á Peter Bangs Vej.

Tveir slakir í gatinu

Við laddmundur sitjum hér á skrifstofunni, aleinir (tja, fyrir utan nokkra vinnualka). Ástæðan er að það er almennur frídagur hér í Danmörku. Ekki veit ég tilefnið því miður en það hefur sennilega eitthvað með trúarbrögð að gera :) Reyndar er ótrúlega þægilegt að vera fifty/fifty Dani-Íslendingur vegna þess að þá ætti maður réttilega að geta tekið frídaga beggja landa. Verð að muna það næst ....

Miðvikudags sarpurinn

Þá er komið að því að tæma sarpinn. Orðinn ágætlega fullur síðan síðast.

Nýjustu auglýsingarnar frá Apple eru kjánalegar, barnalegar en ég glotti alltaf og brosi í annað þegar ég horfi á þær.

Þessi mynd er möst fyrir flesta hönnuði og já, auðvitað alla arkítekta! Sketches of Frank Gehry fjallar og ævi og verk Frank Gehry sem hannaði ma. Guggenheim safnið á Bilbao, Spáni. Svo hefur hann líka komið í Simpsons þætti :)

Langar þig að hanna bók en ert bara ekki hönnuður í þér? Þá er Blurb málið. Búðu til þína eigin kokkabók, blogg bók eða bók um barnið þitt með þessu þægilega forriti.

Guggi benti mér á þessa auglýsingu fyrir Firefox (gerð af áhugamanni auðvitað). Víííííííííííí ....

MacZot býður þér upp á ódýra mánaðarlega áskrift og í staðin færð þú ókeypis forrit á hverjum degi. Forritin geta verið hræbilleg upp í mjög dýr forrit.

Eitt fyndið clip. Háskólanemi tekur sig til og syngur heilann söngleik í miðri kennslu. Það þarf kjark í þetta ....

Vítamín fyrir okkur hönnuðina og forritarana. Fínt portal fyrir þá sem vilja fylgjast með öllum ofurhetjunum sínum. Það er hann Ryan Carson (Carson Workshops) sem heldur þessu saman.

Til hamingju með daginn ÉG!

Þeir sem enn hafa ekki óskað mér til hamingju með daginn hafa verið settir í svörtu bókina ;)

Takk.

Smekkfull helgi

Aldeilis búið að ganga mikið á síðustu daga. Pabbi hennar Erlu og konan hans Guðrún komu í heimsókn á fimmtudaginn síðasta, afmælisdaginn hans Guðjóns Inga. Erla var búin að vera alveg á kafi í verkefni fyrir skólann sem hún svo kláraði á föstudaginn. Á föstudaginn kíktum við aðeins niður á Strikið í blíðunni sem er búin að vera hérna síðustu daga. Settumst niður á Café Norden og sleiktum sólina fram undir kvöldmat.

Á laugardeginum var svo komið að mikilvægum fótboltaleik fyrir FC Island. Við áttum FC Punanni á útivelli og mikilvægt fyrir okkur að tapa ekki stigum ef við ætluðum að blanda okkur í toppbaráttuna í ár. Blíðan var þvílík og liðið vel stemmt. Lokatölur voru 3-7 frábæru liði Íslands í hag. Einstaklega sætur sigur og vill ég meina að sjaldan hafi verið eins svakaleg innkoma eins rauðærðs manns í hægri bakvörðinn! Menn höfðu það jafnvel á orði á bekknum að þetta væri eitthvað meðfætt ... læt það nú vera. Eftir leikinn fórum við fjölskyldan ásamt "ömmu og afa" niður á Nyhavn þar sem við skelltum okkur í klukkutíma siglingu með fararstjórn. Alltaf gaman að sigla um kanala Kaupmannahafnar.

Á sunnudeginum var svo slegið upp veislu til heiðurs litlu frændunum, þeim Guðjón Inga (2 ára) og Kristjáni Daða (1 árs). Þeir eiga afmæli með eins dags millibili svo það var kjörið að slá þessu saman. Auðvitað komu fullt af gestum í heimsókn með pakka undir báðum höndum. Við sátum úti í góða veðrinu og borðum kökur og heita rétti að hætti Erlu og Heiðrúnar. Svo voru pakkarnir opnaðir og fékk Guðjón Ingi ma. risa stóran bangsa frá Bølle, þríhjól og rugguhest frá Anettu frænku sinni, bækur og liti, Kardimommubæinn, bíl, lest, kubbasett, sundkúta og auðvitað fullt af fötum og höttum :) Yndislegt, takk kærlega fyrir okkur :)

Til að fullkomna daginn fórum við betri helmingurinn á Radiohead tónleika um kvöldið með fríðu föruneyti. Tónleikarnir fóru fram í KB hallen sem er auðvitað hérna í bakgarðinum hjá okkur svo auðvitað héldum við partý fyrir fólkið áður en við þrömmuðum yfir. Tónleikarnir voru mjög góðir og fólk greinilega vel stemmt. Hitinn náði sennilega sögulegu hámarki undir lok tónleikanna og sennilega hefur hitinn farið vel yfir 50 stig þarna inni, enda engin loftræsting ... ekki einusinni gluggi!! Guðjón Ingi var svo bara hjá afa sínum og ömmu gurru uppi á hótelherbergi um nóttina í góðum gír. Algjör engill.

Gærdeginum (mánudagur) vörðum við svo í Tivoli í alveg frábæru veðri. Fórum með Guðjón Inga í öll tækin, fórum á Ítalska staðinn sem er í miklu uppáhaldi og fengum okkur auðvitað ís og pönnuköku. Virkilega ánægjulegur dagur í miðbænum.

Til hamingju með afmælið sæti strákur

Litli kallinn minn hann Guðjón Ingi varð 2 ára í dag (tæknilega í gær þar sem kl. er komin yfir miðnætti). Óska honum og mér auðvitað innilega til hamingju með daginn. Afmælisveisla verður haldin á Solbakken nk. sunnudag kl. 14.00. Allir velkomnir :)

Dagurinn minn í myndum

Mig hefur alltaf langað til að mynda dæmigerðann dag í lífi mínu. Í dag tók ég mig svo til og lét af verða. Þetta er að vísu ekki alveg heill dagur hjá mér en sennilega nær hann frá 10-18. Venjulega vakna ég 7.30 og nú er kl. að ganga 1 eftir miðnætti svo ég er oft lengur frameftir en flestir Danir. Allavega, ég tók myndavélina með mér hvert sem ég fór og stillti símann á 30 mínútna áminningu. Í hvert skipti sem ég heyrði í símanum reif ég upp vélina og tók mynd, með það fyrir augum að fanga momentið. Ekkert zoom, engar uppstillingar, bara að taka mynd. Svo raðaði ég þessu saman í tímaröð og má sjá útkomuna hér til hliðar. Hvet alla til að prufa þetta við tækifæri :)

Myndina má sjá stærri og betri hér

Mánudags sarpurinn

Hér er nokkuð að því markverðasta sem ég skoðaði í síðustu viku:

Super Mario Bros. á Broadway? Næstum því :)

Raggi og Gunni félagar mínir (þeir eru bræður já) eru á bak við Sigtið, nýr þáttur á Skjá Einum. Þættirnir eru settir upp sem Mockumentary og hafa eitthvað yfirbragð yfir sér sem maður hefur ekki séð áður. Hægt er að sjá alla þættina á kvikmynd.is.

Iceweb 2006 ráðstefnan gekk víst mjög vel. Þar sem ég náði ekki að sjá sjálfa ráðstefnuna fékk ég nokkrar myndir og video til að skoða:
Einar með sínar myndir
Smá video af ráðstefnunni.
Joe Clark með nokkrar myndir og hér með nokkrar myndir af íslenskri týpógrafíu.

Alltaf er ég að skoða Typetester, finnst þetta svo sniðugt tól fyrir menn eins og mig sem eru alltaf að hanna fyrir vefinn. Forritar geta notað þetta líka að sjálfsögðu.

Gleðilegan 1. maí :)