sunnudagur, ágúst 05, 2007

Guggi sefur


Eftir langan dag á ströndinni er gott að sofna í garðinum...

Erla i sólbadi



Strandardagur!


Gaman á Amager Strand :-)

laugardagur, ágúst 04, 2007

Paradis!



Dyragardurinn i góda vedrinu


4 sætir ljónsungar komnir i heiminn :-)

Nyja mótorhjólid!


Flottur á kantinum :-)

fimmtudagur, júlí 26, 2007

Minni sykur - meiri gleði

Maður sem gefur upp coke drykkju og minnkar kaffineyslu sína niður í einn bolla á dag þarf að finna eitthvað sem kemur í staðinn. Ekkert ósvipað og óvirkur krakk fíkill sem finnur Jesús. Um daginn fann ég drykkinn sem á að koma í stað alls koffeinsins, drykkur frá fyrirtæki í Bretlandi sem heitir Feel Good Company.

Drykkir frá þessu ágæta fyrirtæki eru án viðbætts sykurs, ekkert af þessu helvítis Aspertam drasli sem er í öllu núna (núna síðast í Mixi á Íslandi!!). Viðbætt vítamín og ég veit ekki hvað og hvað.

Ég skora á alla að sleppa coke-inu í smá stund og bragða á Apple+Blueberry. Þið eigið ekki eftir að sjá eftir því ...

fimmtudagur, júlí 05, 2007

Lunsj með boys

Tókum nettan hádegismat í hádeginu, ég, Hrafn og Haukur. Sólin hefur látið mikið til sín taka undanfarið og alltaf við hæfi að kíkja á Austurvöll í einn Jungle Chicken Curry á Thorvaldsen :)

föstudagur, júní 29, 2007

Bíóferð 4.0

Fór að sjá Die Hard í gær með Erlu. Ágætis ræma með heldur þreyttum Bruce Willis. Munið í fyrstu myndunum þegar vondu kallarnir voru búnir að skjóta á hann úr uzi byssum og hann búinn að henda sér út úr bíl á hundrað kílómetra hraða og stökkva út úr 30 hæða háhýsi og lenda á höndunum þá hallaði hann sér stundum aftur og kom með einn af sinn frægu one-line-erum (ekki I'll be back samt). Í þessari mynd var ég alltaf að bíða eftir "I'm getting to old for this shit." en hún kom aldrei.

Annars er alltaf pínu öðruvísi að fara í bíó á Íslandi í samanburði við Danmörku. Í Danmörku hringir fólk á undan sér eða pantar á netinu og fær úthlutað sætisnúmeri eins og þegar maður fer í leikhús. Það eru engin helvítis hlé (til að græða meira í sælgætissölu) á myndinni og auglýsingarnar eru ekki í tæplega klukkutíma áður en myndin loksins byrjar.

Talandi um auglýsingar þá var ein auglýsing sem vakti áhuga minn í gær. Ekkert sérlega fyndin og dauðans löng en hún vakti áhuga minn afþví hún var öðruvísi en "normið" á Íslandi. Hún byrjaði eins og teiknimyndasaga þar sem rammarnir voru animate-aðir fram og til baka til að skapa spennu. Myndasagan fjallaði um "saklausan" strák sem vantaði einhvern hugbúnað á tölvuna sína og besti vinur hans benti honum á að hann gæti sótt þetta á INTERNETINU! Hann fer í gang með það og install-ar þessum hræðilega "ólöglega" hugbúnaði á tölvuna sína og eyðuleggur sína tölvu og allar tölvur í næsta nágrennni. Góði vinur hans forðar sér hið fyrsta og hann situr eftir með ónýta vél.



Ok. Við vitum öll sannleikann. Ólöglegur hubúnaður eyðileggur ekki vélina þína. Í versta falli sefur þú ekki á næturnar. Kannski þeir hefður átt að láta teiknimyndina snúast um það. Gaurinn kemur þreyttur í vinnuna og er að lokum rekinn fyrir að standa sig ekki í vinnunni. ALLT AFÞVÍ HANN STAL HUGBÚNAÐI Á INTERNETINU!! Sveiattan.

Ágætis auglýsing samt, vel gerð þótt boðskapurinn sé nokkuð vafasamur. Takk Microsoft á Íslandi!

Edit: Ingvi vinur linkar í þetta snilldar Die hard video á síðunni sinni :)

fimmtudagur, júní 28, 2007

Gott veður í borg óttans

Mikið var gott að koma heim í frískt og gott loft. Ekki sakaði að veðrið í höfðborginni er hið besta á meðan veðráttan í Kaupmannahöfn er tja ... hin versta (rigning í 2 vikur stanslaust). Gott að vera kominn heim ... for now.

Í flugvélinni á leið til Íslands


Ég er líka með flugstillingu á mínum síma! Fallegur vængur þarna á ferð.

þriðjudagur, júní 26, 2007

Krotari


Gaman ad skoda dagblöd sem buid er ad krota á

mánudagur, júní 25, 2007

Helgarbruninn

Jæja, við fjölskyldan ásamt Elvu systir Erlu og fóstursyni hennar erum búin að eyða helginni uppi í Tisvileleje í sumarhúsi sem faðir minn á. Fórum á laugardaginn og vorum í 2 nætur í ótrúlega góðu veðri. Eins og sjá má að neðan þá brann minn heldur mikið við það að slá grasið í garðinum og sennilega verða næstu dagar hreint helvíti.

Svo er síðasti leikur fyrir sumarfrí í fótboltanum á eftir. Leikur sem verður að vinnast ef við ætlum ekki að byrja seinni hluta tímabilsins á botninum.

Svo er komið að enn einni Íslandsförinni. Á miðvikudagskvöld stefnum við aftur heim í góða veðrið og hreina loftið. Verðum í 3 vikur í það heila og ætlum við Erla bara að hafa það náðugt í faðmi fjölskyldu og vina. Ég sé samt fram á að vinna einhverja daga á meðan ég er heima en það á allt eftir að koma í ljós.

Kveð að sinni.

Bruni


Ekki alltaf auðvelt að vera kastaníubrúnhærður ...

laugardagur, júní 23, 2007

föstudagur, júní 22, 2007

McMuffin ójá!


Góð byrjun á deginum með Bacon McMuffin!

sunnudagur, júní 17, 2007

Unabomber!


Sumir taka pókernum full alvarlega :-)

laugardagur, júní 16, 2007

Sleepy


Sumir bunir á thvi eftir 17. Juni hátidina

Bjórsnigill!



föstudagur, júní 15, 2007

Þjófar og aftur þjófar!

Þeir eru víst ekki bara að stela hjólum þessir óprúttnu aðilar í Danmörku heldur eru þeir farnir að stela heitum pottum líka. Laddi sendi mér frétt af mbl í morgun þar sem Stjáni félagi okkar í fótboltanum segir frá því að nokkrir þjófa anskotar hafi komið og stolið flottasta pottinum sínum beint fyrir framan búðina sína (að næturlagi að vísu). Fullum að vatni þar að auki!!

Djöfull verð ég reiður við að lesa svona lagað. Þessi pottur hefði getað verið úti í garði hjá mér en í staðinn er hann örugglega kominn um borð í eitthvert þjófaskipið á leið til Afríku!!

þriðjudagur, júní 12, 2007

Bands In Town

Bands In Town er mega svöl síða sem leitar að hljómleikum í þínu nágrenni. Leitar eftir dagsetningum, fjarlægð og miðaverði. Svalt

Brainstorming ùti ì gòda vedrinu



mánudagur, júní 11, 2007

Hiti og sviti í Kaupmannahöfn

Það er nú meiri helvítis hitinn hérna á skrifstofunni í dag og síðustu daga. Það er ekki vinnandi í svona veðráttu eins og hefur verið að ganga yfir Danmörku síðustu daga. Danirnir hér eru auðvitað öllu vanir en ég er langt frá því að vera vanur að sitja við tölvuna á stuttbuxum í 28 stiga hita. Ég get ekki einbeitt mér að neinu og er hálfpartinn að sofna við tölvuna.

Ég er farinn út í góða veðrið og sjá hvort ég nái ekki að vinna eitthvað í kvöld í staðinn :)

laugardagur, júní 09, 2007

þriðjudagur, júní 05, 2007

mánudagur, júní 04, 2007

5% maðurinn ...












Ég var einmitt að tala um það við Erlu um daginn að ég þykist hafa ferðast mikið miðað við mann á mínum aldri. Allavega veit ég að foreldrar mínir höfðu ekki ferðast jafn mikið á þessum aldri (þótt þau hafi farið um allan heiminn síðan) svo ég var nokkuð hissa þegar ég sá að ég hef aðeins séð 5% af öllum heiminum ... og stór hluti af því er Bandaríkin örugglega :)

Ég held að markmiðið verði að vera búinn að heimsækja allar heimsálfurnar fyrir fertugt ...

sunnudagur, júní 03, 2007

föstudagur, maí 25, 2007

miðvikudagur, maí 16, 2007

Myndir frá Parísarferð

Ég og Erla komum frá París á sunnudaginn eftir frábærar 4 nætur í þessari yndislegu borg. Það var mikið skoðað og mikið labbað að sjálfsögðu. Ég fer hiklaust aftur til Parísar í framtíðinni :)

Myndirnar má finna hérna á Flickr síðunni minni.

fimmtudagur, maí 10, 2007

Fyrsti dagurinn í París

Þá er það ein létt bloggfærsla um fyrsta daginn í París.

Við Erla vöknuðum snemma í morgun og tókum morgunflugið hjá SAS til Parísar. Lentum á Charles de Gaulle um kl. 10 og skelltum okkur bara í Metro niður í bæ eins og sönnum Dönum sæmir :)

Það var smá vesen að finna hótelið enda er það í svo lítili götu en það hafðist á endanum. Pínulítið kósý hótel rétt hjá Louvre safninu góða. Eftir smá hvíld uppi í rúmi héldum við á stað út menninguna og löbbuðum í gegnum Louvre garðinn og beint yfir á pont de neuf. Fundum Saint Chappelle kirkjuna og ákváðum að kíkja þangað inn enda hafði Laddi félagi mælt með því. Þvílík gluggalist sem er þarna inni að það jaðrar við geðveiki. Eftir Saint Chappelle löbbuðum við áfram með viðkomu á nokkrum börum og fengum okkur öl. Enduðum á Notre Dame kirkjunni og kíktum á hana. Þvílík byggingalist ...

Erum uppi á hótelherbergi núna og ætlum snemma í háttinn. Langur dagur á morgun :)

Vonandi nær maður að skella inn fleiri færslum héðan.

miðvikudagur, maí 09, 2007

Sorg, hamingja og tvöfallt afmæli

Nú er aldeilis tilefni til bréfaskrifta, enda nóg búið að gerast síðustu vikur.

Í lok apríl fórum við fjölsyldan í nokkuð fyrirvaralausa heimför til Íslands og var erindið ekkert sérlega ánægjulegt. Amma hennar Erlu (mamma hans Runa) hún Guðrún er búin að berjast við krabbamein frá því í Apríl í fyrra. Hún hafði verið hress þangað til í byrjun árs en hefur hægt og rólega hrakað svo tekin var ákvörðun um að fara heim og fylgja henni síðustu metrana. Hún lést á líknardeildinni í Kópavogi laugardaginn eftir að við komum, 72 ára að aldri. Jarðaförin var haldin í Hallgrímskirkju og heyrði ég hjá aðstandendum að um 500 manns hafi látið sjá sig í kirkjunni og uþb. 350 manns í erfðadrykkjunni.

Sama dag og jarðaförin var haldin átti Guðjón Ingi þriggja ára afmæli. Hann er að verða svo stór þessi elska. Því miður var ekki mikið um hátíðarhöld þann daginn svo ákveðið var að hittast í rólegheitum á sunnudeginum og klára kökurnar úr erfðadrykkjunni.

Seinna um kvöldið fórum við Erla svo í bíltúr niður í Gróttu sem hefur verið "okkar" staður frá því að við byrjuðum saman. Undirskrifaður ákvað að fara niður á skeljarnar og bað konunnar sem hann hefur haldið svo mikið upp á sl. 6 ár :) Hún sagði að sjálfsögðu já ....

Á mánudeginum fór svo Guðjón Ingi í flugferð austur til afa síns á Egilstöðum og ætlar að vera þar fram á sunnudag og koma svo heim með Runólfi og Heiðrúnu. Við Erla hringdum í hann í gær og hann var svo upptekinn hjá afa sínum, nýbúinn að fá Latabæjar stígvél og svo þurfti að sinna Rán líka (Hundinum hans Guðjóns) því hún er svo hvolpafull ... ekkert smá gaman í sveitinni!

Eins og það hafi ekki verið nóg þá er ég sjálfur orðinn 30 ára í dag. Geri aðrir betur!! Afmælisgjöfin mín frá Erlu var ferð til Parísar og erum við að fara strax í fyrramálið (hvar er betra að halda upp á nýja trúlofun en í borg elskenda?).

Viva la France!!


Kveðjur frá Kaupmannahöfn.

þriðjudagur, apríl 24, 2007

Versta auglýsing - EVER!

Laddi benti mér á auglýsingu sem sennilega fellur í flokkinn "verstu auglýsingar sem hafa verið gerðar - EVER!"

Samfylkingin er orðin svo langt leidd út af hruni í skoðanakönnunum undanfarið að þau þurftu að taka sér kjuða í hönd og skjóta nokkrum kúlum til að lúkka "cool."

Sorglegt framboð.

fimmtudagur, apríl 19, 2007

Alessi klósetthreinsir


Góda hönnun má oft finna í klósettinu :-)

föstudagur, apríl 13, 2007

fimmtudagur, apríl 12, 2007

Gulur Lambo!!


Falleg kerra tharna á ferd

sunnudagur, apríl 08, 2007

fimmtudagur, mars 29, 2007

Fyrsta brumid!


Vorid komid i Kaupmannahöfn :-D

laugardagur, mars 24, 2007

föstudagur, mars 23, 2007

þriðjudagur, mars 13, 2007

mánudagur, mars 12, 2007

Fyrsta malaræfingin!


Vinstri löpp: ég - Hægri löpp: takkarnir hans ladda!

Vor á Strikinu :-)



Vikan sem leið

Ætli sé ekki ágætt að líta um öxl og fara yfir það markverðasta síðustu daga.

Um síðustu helgi kom pabbi hennar Erlu í heimsókn með konu sinni. Elva systir Erlu kom með og Maggi maki með henni. Það var heljarinnar stuð þá 4 daga sem þau dvöldu hér í Kaupmannahöfn og má helst telja til óeirðirnar sem stóðu hér yfir útaf Ungdómshúsinu á Nørrebro. Við fórum að sjálfsögðu út að borða og vill ég minnast sérstaklega á Umami sem er einn "lekkerasti" staður sem ég hef stigið inná. Hálfgert fusion á japönskum og frönskum mat. Virkilega girnilegt allt saman. Svo var auðvitað verslað í gámavís og ófáar taxfree nóturnar fylltar út. Good times.

Ég og laddmundur erum komnir með nýja skrifstofu og er hún frábærlega staðsett, eða við hliðina á Ráðhústorginu (Vestergade). Það var orðið ansi þreytandi að vinna heima alla daga og góð tilbreyting að ferðast niður í menninguna og hitta annað fólk. Svo í hádeginu labbar maður bara niður á Strikið og fær sér eitthvað í gogginn. Gott stuff.

Annars er ég bara búinn að vera á kafi í vinnu. Tvær stórar ráðstefnur í síðstu viku og um helgina og var ég með fingurna í þeim báðum. Framadagar voru haldnir á Hótel Sögu og stillti ég upp bás fyrir tengdó en hann rekur hugbúnaðarfyrirtækið Annata hf. Básinn kom einmitt í fréttunum um kvöldið og má sjá sjá það hér. Svo var Idega með bás á Tækni og Vit sýningunni í Fífunni um helgina. Ég kom lítið nálægt því reyndar en hannaði auðvitað merki og nýja vefsíðu fyrirtækisins. Þannig það er búið að vera nóg að gera.

Svo var fyrsti leikur sumarsins háður á laugardeginum og fór hann fram við Brønby Strand. Þar tókust á lið Guðrúnar og BSI í hörku leik sem endaði 2-3 fyrir okkar lið. Hann var að vísu flautaður af eftir 5 mínútur af seinni hálfleik vegna uppþota og slagsmála á milli leikmanna. Ég vill þó meina að ég hafi ekkert haft með það að gera .... :P

Wasn't me!

þriðjudagur, mars 06, 2007

Litla módelid!


G.I flottur i ramma i glugganum hennar Mette Lykk ljósmyndara :-)

Nyja skrifstofan med ladda :-)



Nyja skrifstofan!



föstudagur, mars 02, 2007

30 mínútur af gömlum upphafssenum í teiknimyndum.

Er hægt að byrja góðan föstudag á betri hátt?

Flashback dauðans hér! :)

fimmtudagur, febrúar 22, 2007

Meiri snjór!



Snjórinn!


Erla og Gudjón á leidinni i leikskólann :-)

miðvikudagur, febrúar 21, 2007

Veturinn kominn

Ég er að horfa út um gluggan og sé tvo bíla pikk fasta í þessari litlu brekku sem liggur yfir brúna hérna rétt hjá. Svo koma hinir fákarnir á þrusu siglingu og ætla sko ekki að láta þessa ofur brekku stoppa sig en átta sig svo allt of sein á hinum bílunum sem sitja fastir. Danir eru í tómu rugli þegar svona veðrátta gengur yfir.

Það er óhætt að segja að veturinn hafi skollið á í dag, með látum. Íslendingar eru nú öllu vanir en þetta teldist á "íslenskan mælikvarða" svona hressandi snjókoma. Danirnir eiga bara eitt orð og það er "SNESTORM" eða snjóstormur.

Hér eru heldur engar ýtur eða snjóruðningstæki eins og á Íslandi. Hér mokar bara hver fyrir sig og ef það dugar ekki þá ertu í djúpum. Þeir hafa sig þó alla við að moka hjólreiðastígana enda yrði allt vitlaust hér ef fólk fengi ekki komast leiðar sinnar á hjóli.

Svo verður spennandi að vakna í fyrramálið og kíkja út um gluggann. Danir eru að tala um 20cm af snjó!

fimmtudagur, febrúar 08, 2007

The return

Úr svartnættinu rís hann, tvíefldur og ferskari en nokkru sinni fyrr. Eða þannig ...

Ég fór til Íslands í lok janúar. Tók auðvitað konu og barn með og ákváðum við að hafa þetta svona "surprise" heimsókn. Sjálfur þurfti ég að sinna vinnutengdum málum og fór því mestur hluti vikunnar í að hitta viðskiptavini og aðra á meðan Erla brunaði um á bílaleigubílnum og sýndi Guðjón Inga.

Maður fór ekki varhluta af verðlaginu heima. Eiginlega er ég hálf feginn að búa í Danmörku á meðan þessi harðasta verðbólga ríður yfir landið. Þótt ég fái stóran hluta tekna minna frá Íslandi þá munar um þegar verslað er í matinn.

Ég fór eitt skipti á Nonna bita (eins og ég reyni oftast að gera þegar ég fer til Íslands) og fór ég í hádeginu. Ég spurði afgreiðslukonuna hvort þau byðu ekki upp á eitthvað hádegistilboð og játti því. Ég fékk mér því einn beikon og gosdós. "Níuhundruð og þrjátíu krónur" sagði konan. Ég spurði hana hvort það væri ekki alveg örugglega hádegistilboð og jú, vissulega var það það. Ég borgaði auðvitað fyrir bátinn en fyrir vikið smakkaðist hann ekki eins. Sósan var bitur og beikonið óætt.

Sama kom fyrir þegar ég skellti mér á minn uppáhalds stað, American Style. Pantaði auðvitað beikon borgara eins og ég geri aftur og viti menn, tæplega fjórtánhundruð krónur fyrir máltíðina. Ég átti auðvitað ekki orð ...

Þessu til samanburðar má nefna að þegar ég og laddmundur félagi minn förum í matarleit í hádeginu þá er markið alltaf sett við 50 dkr. max sem er um 590 kr. Við höfum úr nægu að velja. Við getum skellt okkur á Fontana di Trevi sem býður upp á bestu pizzur í bænum og kostar venjuleg pizza (í hádeginu) 31 danska krónu. Ef við förum til Grænlendingsins hérna úti á horni sem gerir ljúffengar beikon samlokur þá kosta þær 30 krónur, beygla kostar 42 og rúnstykki og álegg er í sama verðflokki. Það sér hver heilvita maður að þarna er mikill verðumunur á.

Það er ekki mjög vænlegt að flytja heim núna ...

föstudagur, janúar 12, 2007

fimmtudagur, desember 28, 2006